ကွစ်ဒစ်ချ်ပွဲသည် အောင်မြင်စွာပြီးဆုံးသွားသည်။ ဝေစလေအမွှာတွေက သူတို့လောင်းထားတာနိုင်၍ ပျော်နေကြပုံရသည်။ ဟယ်ရီကတော့ အိပ်ချင်နေပြီဖြစ်၍ ကပ်ပါးကောင်လို အတင်းတွယ်ကပ်နေသည့် ဒရက်ကို ကိုခွာချခဲ့ပြီး ရွက်ဖျင်တဲဆီသို့ ပြန်သည်။
ခဏလေးတောင်မှ မမှေးရသေးခင်မှာ သူတို့စခန်းကို အမှောင်သခင်၏ လက်အောက်ခံတွေက လာတိုက်ခိုက်ကြ၍ ထပြေးရပြန်သည်။ ဟယ်ရီမှာ ကျိန်ဆဲရင်း လူအုပ်ကြားထဲသို့ သူငယ်ချင်းနှစ်ယောက်နှင့် ပြေးရတော့သည်။ အရေးထဲ ရွန်ကပြေးရင်းလွှားရင်းနှင့် သစ်ငုတ်တိုကို ခလုတ်လိုက်ပြီး မှောက်ရက်လဲပါလေရော။
"ရွန်!! မြန်မြန်ထ!!"
"ဒီလိုခြေထောက်မျိုးနဲ့ဆိုတော့ မလဲပဲ နေမလား?"
သုံးယောက်သား လှည့်ကြည့်မိတော့ ဒရက်ကိုသည် အနီးအနားမှ သစ်ပင်ကြီးကိုမှီလျက် လက်ပိုက်ကာရပ်နေသည်။ ရွန်ကတော့ အပြောခံလိုက်ရ၍ လှမ်းဆဲဖို့အပြင်မှာ ဒရက်ကိုရဲ့အနောက်ကနေ ဒေမီယန်နှင့် ဂရင်းတို့ပါထွက်လာပြီး
"ကြည့်မနေကြနဲ့! သစ်ပင်တွေထဲဝင်ပြေးချေ!"
ဒရက်ကိုကလည်း ခေါင်းငြိမ့်ပြလာပြီး ဟယ်ရီ့ရဲ့လက်ကိုလာဆွဲရင်း
"သူပြောတာမှန်တယ်! ပြေးရအောင်! ပြီးတော့...ဝေစလေ...ငါပြောချင်တာက မင်းက ခြေတံရှည်သလောက် ကပျက်ကချော်နိုင်လို့ သတိထားပြေးဖို့ပြောတာ။"
ပြောနေစဥ်မှာပဲ စခန်းဘက်ကအသံအကျယ်ကြီး ကြားလိုက်ပြီး အစိမ်းရောင်အလင်းတွေက သူတို့ရှိရာပတ်လည်အထိ လင်းထိန်သွားတော့သည်။ ဒရက်ကိုက အတင်းသစ်တောထဲဆွဲခေါ်ပေမဲ့ အမှောင်သခင်လက်အောက်ခံတွေက သစ်တောထဲအထိပါ ဝင်လာ၍ ဟယ်ရီလည်း လူအုပ်ကိုခွဲဖို့ဆုံးဖြတ်လိုက်သည်။ ဒရက်ကိုရဲ့လက်ကို အတင်းဆွဲဖြုတ်လိုက်ပြီး
"လူခွဲကြမယ်။ သူတို့တွေထဲမှာ မင်းအဖေပါလောက်တယ်မလား? မင်းကိုမြင်သွားရင် အဆင်မပြေဘူး။"
"ဒါမဲ့...."
"ငါလိုက်သွားလိုက်မယ်...မယ်လ်ဖွိုင်း။"
YOU ARE READING
Saving Draco Malfoy (Draco x Harry)
Fanfictionနက္ေရာင္ေက်ာ္စြာတစ္ေယာက္ဟယ္ရီေပၚတာဘဝေရာက္ကာဒေရဂိုမလ္ဖိြဳက္းအားဗီလိန္ဘဝမွကယ္တင္ျပီးဗိုဒီေမာ့ဘက္ေတာ္သားမျဖစ္ေအာင္ေျပာင္းလဲေပးရန္systemတစ္ခုမွတာဝန္ေပးအပ္ျခင္းခံရေသာအခါမူလဟယ္ရီႏွင့္မတူျခားနားေသာဟယ္ရီပံုစံျဖင့္ႀကိဳတင္သိရွိေနေသာေဘးအႏၱရာယ္မ်ားကိုဘယ္လိုေရွာ...
