ကျိဟန်မှာ တစ်ခဏမျှ ကြက်သေသေသွားပြီးနောက် ကြောင်တောင်တောင်နိုင်စွာဖြင့် ထစ်ငေါ့စွာ ပြန်မေးသည်။
"ဘာ..မင်း..မင်းဘာလိုချင်တာ..?"ကျောက်ကျန်းကွေ့က တင်းမာစွာဖြင့်_" မင်းကို "
ကျိဟန် : "......"
ကျောက်ကျန်းကွေ့မှာ ထိုစကားများကိုပြောပြီးနောက် အလွန်စိတ်ညစ်ညူးကာ နေရထိုင်ရခက်လာတော့သည်။ ထို့ကြောင့် သူက မျက်ခုံးများကို ကျုံ့ထားပြီး စကားပြောခြင်းကို ရပ်ကာ မကျေမနပ်တွေးတောနေသည်။
ဇာတ်ညွှန်းရေးပေးတဲ့ သူရဲကောင်းဆိုတဲ့လူတွေ စိတ်ထဲမှာ ဒီလိုစကားလုံးတွေ ရှိနေတယ်ဆိုတာ လူကြားလို့တောင်ကောင်းရဲ့လား??!
နှစ်ဖက်စလုံးမှာ လမ်းလယ်၌ရပ်ကာ အချိန်အတန်ကြာအောင် တိတ်ဆိတ်နေ၏။ နောက်ဆုံးတွင် ကျိဟန်က စိတ်လျှော့လိုက်သည့်ဟန်ဖြင့် မေးလာသည်။ "ငါဘယ်သူလဲဆိုတာကိုရော မင်းသိရဲ့လား..?"
လာပြီကွ! နောက်ထပ် ဇာတ်ညွှန်းထဲမှာပါတဲ့ အကိုက်ဆုံးစာသား!
ကျောက်ကျန်းကွေ့ : "သိတယ်..ဒါပေမဲ့ ငါအဲ့တာတွေ ဂရုမစိုက်ဘူး"
ကျိဟန် : "မင်းက တကယ်သိတယ်ပေါ့.."
ကျောက်ကျန်းကွေ့ : "ငါလိုချင်တာ မင်းကိုပဲ .ကျန်တဲ့အရာတွေက အရေးမကြီးဘူး.."
ကျိဟန် : "......"
ရထားမောင်းသူမှာမူ သူ့နားနှစ်ဖက်သူ လက်ဖြင့်ပိတ်ကာ အခြားဘက်သို့လှည့်ရင်း ပါးစပ်မှ အဆက်မပြတ်ရေရွတ်နေ၏။
"ကျွန်တော် ဘာမှမကြားရဘူး..ဘာမှလည်းမမြင်ပါဘူး..နှုတ်ပိတ်စရာမလိုပါဘူး...နှုတ်ပိတ်စရာမလိုပါဘူး...ခေါင်းဆောင် ကျွန်တော့်ကို နှုတ်ပိတ်ဖို့အတွက် မသတ်ပါနဲ့"
........
ကျိဟန်က ရုတ်တရက် မေးသည်။ "မင်းက တကယ်ပဲ ကျောက်ကျန်းကွေ့လား?"
ကျောက်ကျန်းကွေ့က သတိပြန်လည်လာပြီး_" အင်း ဟုတ်တယ်"
ကျိဟန်က အေးစက်စွာဖြင့်_"သိုင်းလောကရဲ့ နံပါတ်တစ် ဓါးသမားကြီးက ဝတ်ရုံလက်ပြတ်ဖြစ်နေမယ်လို့ ငါတစ်ခါမှ မတွေးမိဖူးဘူး.."
YOU ARE READING
The Wrong Way To a Demon Sect Leader//Myanmar Translation
RomanceAuthor: 一只大雁 (Yi Zhi Dayan) Status: 82 Chapters + 47 Extras မိစ္ဆာဂိုဏ်း၏ အင်အားမှာ တစ်နေ့တစ်ခြားများပြားလာပြီး အင်အားသက်ရောက်မှုသည်လည်း ပိုမိုကျယ်ပြန့်လာသည်။ ထို့ကြောင့် ကျင့်ကြံရေးလောကမှ အကြီးအကဲများသည် သိုင်းလောက၏ နံပါတ်တစ်_ဓါးသမား ကျောက်ကျန်းကွေ...