The Wrong Way To a Demon Sect Leader//Myanmar Translation

-46-

သမား​တော်ယန်က အ​စေခံအကြီးအကဲအား ညွှန်ကြားစရာရှိသည်များ ​ညွှန်ကြားပြီး​နောက် ပြန်ထွက်သွား၏။ ကျိဟန်၏ အ​ခြေအ​နေမှာ အထူးတလည် စိုးရိမ်စရာမရှိ​တော့​ပေ။ သို့​​သော်လည်း ရက်အနည်းငယ်​လောက်​တော့ အိပ်ယာ​​​ပေါ်မှာပဲ ​နေလို့ရမည်။ သူ၏ ကျင့်ကြံချင်းများထိ အလုံးစုံပြန်​ကောင်းဖို့က​တော့ လအနည်းငယ်​လောက် အချိန်ယူရ​ပေလိမ့်မည်။

​ကျောက်ကျန်း​​ကွေက​တော့ အခုထိ စိတ်ရှုပ်​နေတုန်းပင်။ သူ့​ခေါင်းထဲမှ ကျိဟန်ကို လက်ဝါးတစ်ချက်တည်းဖြင့် ​သွေးအများကြီးအန်​အောင် လုပ်လိုက်မိသည် ဆို​​​သောအ​တွေးအား ထုတ်လို့မရ​​ပေ။

သူက ကုတင်နှင့် ​အ​ဝေးဆုံး​​ထောင့်ရှိခုံ၌ အသာထိုင်၍ အ​စေခံအကြီးအကဲမှ ကျိဟန်အား ​ဆန်ပြုတ်တိုက်​နေသည်ကို ​​ငေးကြည့်​နေသည်။ တိုက်ရမည့်ဆေးမှာမူ အဆင့်သင့်မဖြစ်သေးသောကြောင့် ကျိဟန်အား အိပ်ယာ​ပေါ် ပြန်လှဲသိပ်ရမည်ဖြစ်သည်။

သို့​သော် ကျိဟန်က အိပ်ချင်ဟန်မတူ။ သူက အ​စေခံအကြီးအကဲအား စကားတစ်ချို့ တီတိုး​ပြော​လိုက်၏။ အ​စေခံအကြီးအကဲက ဝမ်း​မြောက်​နေ​သော မျက်နှာထားဖြင့် ​ကျောက်ကျန်း​ကွေ့ဘက်သို့ ​လျှောက်လာပြီး_ "​ကျောက်သခင်​လေး ဂိုဏ်းချုပ်က သူနဲ့စကားလာ​ပြောဖို့ ​အမိန့်​ပေးလိုက်ပါတယ်"

​ကျောက်ကျန်း​ကွေ့မှာ သူနားကြားမှားသည်ဟုပင် ထင်လိုက်မိသည်။

အ​စေခံအကြီးအကဲက အပြုံး​လေးဖြင့် ထပ်မံပြောလာ၏။ "​ကျောက်သခင်​လေး.. ဂိုဏ်းချုပ်က မင်းဆီကို ထလာလို့မရဘူးလေ.."

ထိုအခါ ​ကျောက်ကျန်း​ကွေ့လည်း ကျိဟန်ရှိရာ ​လျှောက်သွားရ​တော့သည်။

ကျိဟန်၏ မျက်နှာအ​ရောင်မှာ အနည်းငယ် ​ပန်းရောင်ပြန်လွှမ်းလာပြီ ဖြစ်​သော်လည်း နှုတ်ခမ်းမှာမူ ဖြူ​ဖျော့​နေတုန်းပင်။ အသက်ရှုသံသည်လည်း ​တိုးညှင်းလျက်။ အသံမှာလည်း အားအင်မရှိ တိုး​ဖျော့လျက်။

​ကျောက်ကျန်း​ကွေ့မှာ ပို၍ပင် စိတ်မသက်မသာဖြစ်လာရ၏။

သူသာ ​နေမ​ကောင်းချင်ယောင်မ​​​ဆောင်ခဲ့ဘူးဆိုရင် ကျိဟန်က ဒီ​လောက်ထိ ဒဏ်ရာရသွားမှာမဟုတ်။ သူသာ ကျိဟန်ကို ​ဆက်ပြီးမပြုစုခဲ့ရင် ​သွေးအန်လာမှာမဟုတ်။ သူအရာအားလုံးကို ရှုပ်​ထွေးသွား​အောင်လုပ်မိခဲ့သည်။