ကျိဟန်၏ မြင်းရထားလှည်းက မည်မျှမြန်ပါစေ..သိုင်းလောကရဲ့ နံပါတ်တစ်ဓါးသမား၏ ကိုယ်ဖော့ပညာနှင့် ယှဥ်လျှင်တော့ ပိုပြီးမမြန်နိုင်ပေ။
ကျောက်ကျန်းကွေ့က ရထားနောက်မှ အမှီပြေးလိုက်ဖို့ရန်အတွက် သိပ်ပင်ကြိုးစားအားထုတ်ဖို့ မလိုလိုက်ပေ။
တစ်ခါတုန်းက လူတစ်ယောက်သည် ကျောက်ကျန်းကွေ့၏ ကိုယ်ဖော့ပညာစွမ်းရည်ကို သိုင်းလောကရဲ့ ထိပ်ဆုံးဆယ်ယောက်ထဲမှာ ထည့်ဖို့ သင့်တော်မတော် ဆွေးနွေးဖူး၏။ ထိုဆွေးနွေးမှု ပေါ်လာရသည်မှာ သူ့ကိုယ်ဖော့ပညာအရည်အချင်းက ဓါးစွမ်းရည်ကဲ့သို့ ထိပ်တန်းမဖြစ်နေသောကြောင့် မဟုတ်ပေ..။ အမှန်တွင်မူ သူ့လို ထိပ်တန်းဓါးသမားအများစုအတွက် ကိုယ်ဖော့ပညာကို မကြာခဏအစွမ်းပြရန်မှာ အခွင့်အလမ်းသိပ်မရှိသောကြောင့် သူ့ကိုယ်ဖော့စွမ်းရည်အား သံသယဝင်ကြခြင်းဖြစ်သည်။
ထို့ကြောင့် ယခုကဲ့သို့ ကျောက်ကျန်းကွေ့က လေပေါ်မှ ခုန်ပျံရင်း မြင်းလှည်းတစ်စီးအား ပြေးလိုက်နေပုံကို မျက်မြင်ဒိဌ မြင်ဖူးသည့်လူမှာ မရှိသလောက်ပင်..။
သူ့ဝတ်ရုံရှည်ကြီးမှာမူ နှင်းကဲ့သို့ ဖြူဖွေးနေလျက်ရှိသေးသည်။ စည်းနှောင်ထားသော ဆံနွယ်ရှည်များကလည်း သပ်ရပ်စွာရှိနေသေးသည်။ သို့သော် သူ့မျက်နှာသွေးရောင်မှာမူ သိပ်အခြေအနေကောင်းမနေချေ..။ မြင်းလှည်းတစ်စီးနောက်ကို မိုင်တစ်ရာလောက် ပြေးလိုက်လာရမည်ဆိုပါက ဘယ်သူမဆို မျက်နှာအခြေအနေ ကောင်းမွန်မနေနိုင်ပေ။
ပိုပြီးဆိုးသည်က သူ ဒရောသောပါး ပြေးလိုက်နေသည့်အချိန်တွင် မိစ္ဆာဂိုဏ်းချုပ်မှာမူ မြင်းရထားထဲတွင် အငြိမ့်သားထိုင်လျက်ဖြင့် ဝိုင်နှင့်အသားများကို စားနေနိုင်သေးသည်။
သူနောက်မှ ပြေးလိုက်နေရင်း ဝိုင်ရနံ့များကိုပင် ရနေ၏။
သူတို့က လက်ရှိတွင် မြို့ငယ်လေးတစ်မြို့ထဲသို့ ရောက်နေကြသည်။ မြင်းရထားက မြို့၏ အကောင်းဆုံးစားသောက်ဆိုင်တစ်ခု ရှေ့တွင် ရပ်သွားပြီး ကျိဟန်က ဆင်းလာပြီး ဝင်သွားသည်။
YOU ARE READING
The Wrong Way To a Demon Sect Leader//Myanmar Translation
RomanceAuthor: 一只大雁 (Yi Zhi Dayan) Status: 82 Chapters + 47 Extras မိစ္ဆာဂိုဏ်း၏ အင်အားမှာ တစ်နေ့တစ်ခြားများပြားလာပြီး အင်အားသက်ရောက်မှုသည်လည်း ပိုမိုကျယ်ပြန့်လာသည်။ ထို့ကြောင့် ကျင့်ကြံရေးလောကမှ အကြီးအကဲများသည် သိုင်းလောက၏ နံပါတ်တစ်_ဓါးသမား ကျောက်ကျန်းကွေ...