The Wrong Way To a Demon Sect Leader//Myanmar Translation

-56-

ကျောက်ကျန်းကွေ့မှာ ရွေးစရာမရှိပဲ ခြံဝန်းထဲသို့ ပြန်ဝင်သွားရသည်။

ကျိဟန်က အခန်းထဲသို့ ရောက်နေပြီဖြစ်ပြီး စားပွဲဘေးတွင်ထိုင်နေ၏။ လက်ထဲရှိ ထန်ဟူလူများကိုကြည့်ကာ အတွေးထဲ နစ်မြောနေပုံရသည်။

ကျောက်ကျန်းကွေ့က ချောင်းဟန့်လိုက်ပြီး သူ့ကိုမေးလိုက်သည်။ "မင်း အဲ့ဒါကို မစားဘူးလား?"

မထင်မှတ်ထားစွာ ကျိဟန်က ထိတ်လန့်ပြီး ထခုန်လေသည်။

"မင်း ဘယ်အချိန်က ဝင်လာတာလဲ??" ကျိဟန်က အလန့်တကြားဖြင့်_ "ငါ ဘာလို့ ဘာသံမှမကြားလိုက်တာလဲ??"

ကျောက်ကျန်းကွေ့က မျက်မှောင်ကျုံ့လိုက်ကာ_ "ငါဝင်လာတဲ့ ခြေသံကိုတောင် မကြားလောက်တဲ့ထိ မင်းဘာတွေတွေးနေတာလဲ?"

ဓါးသိုင်းပညာကို ကျွမ်းကျင်သူတစ်ယောက်အတွက် ဒါက ပုံမှန်မဟုတ်ပေ။

ကျိဟန်  :  "...ငါ.."

သူက မရှင်းပြချင်သည့်ဟန်ဖြင့် ခေါင်းငုံ့လိုက်ပြီး ဘာမှမပြောတော့။

ကျောက်ကျန်းကွေ့က သူဒေါသပြန်ထွက်လာမှာကို ကြောက်သဖြင့် ကျိဟန်နှင့် ခပ်ဝေးဝေး တံခါးဝမှနေ၍ လှမ်းပြောသည်။

"ဟွားလက်ရုံးက င့ါကိုပြောခိုင်းလိုက်တယ်.. လင်းယုန်ခန်းမရဲ့  ခန်းမသခင်ဝေ့က တောင်အောက်မှာ‌ ရောက်နေပြီတဲ့.. သူက မင်းဆင့်ခေါ်မှာကို စောင့်နေတယ် လို့ပြောတယ် "

ကျိဟန်  :  "ဘာလို့ သူ့ဘာသာဝင်လာပြီး မပြောတာလဲ??"

ကျောက်ကျန်းကွေ့  :  "သူက မင်းရဲ့ ဒေါသကိုကြောက်လို့တဲ့  "

ကျိဟန်  :  ".........."

ကျောက်ကျန်းကွေ့က သတိထားပြီးမေးသည်။ "မင်း.. မင်းတကယ် ဒေါသထွက်နေတာလား?"

ကျိဟန်က အနည်းငယ်နှုတ်ဆိတ်သွားပြီးနောက် ဒေါသတကြီးပြောလာသည်။ "မင်းက ငါ့ကို မျက်နှာပျက်ရအောင် လုပ်နေတာလေ!!"

ကျောက်ကျန်းကွေ့  :   "ဟမ်..?"

ကျိဟန်  :  "အဲ့လူတွေရဲ့ ပါးစပ်က မဟုတ်တာတွေ ဖြည့်စွက်ပြောပြီး.. သိုင်းလောကတစ်ခုလုံး သတင်းပြန့်ကုန်တော့မှာ.."