The Wrong Way To a Demon Sect Leader//Myanmar Translation

-49+50-

ထိုစဥ် အစေခံအကြီးအကဲက သစ်သီးချိုများ ထည့်ထားသော ပန်းကန်တစ်ခုဖြင့် ဝင်လာသည်။

သူမက ကျိဟန်လက်ထဲမှ ပန်းကန်အလွတ်အား မြင်သောအခါ အလွန်အံ့သြသွားပုံပင်။ ထို့နောက် တစ်ခဏချင်း သူမပုံမှာ စိတ်ဆိုးသွားသည့်ပုံ ဖြစ်သွား၏။

"ဂိုဏ်းချုပ်.. အခုချိန်ထိ ဆေးကို သေချာမသောက်ချင်‌သေးဘူးပဲ!! " သူမက ခါးထောက်လိုက်ပြီး ဆက်လက်ဆူပူလာသည်။ "ဒီတစ်ခါ ဘယ်ထဲကို သွန်လိုက်ပြန်ပြီလဲ... ဂိုဏ်းချုပ် ပန်းအိုးထဲကို ဆေးတွေသွန်လိုက်ရင် ပန်းတွေ သေသွားလိမ့်မယ်လို့ ဒီအစေခံက ဘယ်နှစ်ခါပြောနေရမှာလဲ!!"

ကျိဟန်  :  "ငါမသွန်လိုက်.."

အစေခံအကြီးအကဲမှာ ပို၍ပင် စိတ်တိုလာပြီး_ "အခုထိ ငြင်းနေတုန်းပဲလား!! ဂိုဏ်းချုပ် ဆေးမသောက်ဘူးဆိုရင် ဒဏ်ရာက သက်သာလာမှာမဟုတ်ဘူးလေ!!"

ကျိဟန်  :  "ငါတကယ်သောက်ပြီးသွားပြီလို့..! "

အစေခံအကြီးအကဲ  :  "အရင်တုန်းက
ဂိုဏ်းချုပ် ဒဏ်ရာရလာတိုင်း ​ဆေး​သောက်ဖို့တိုက်တွန်းရတာ ကျွန်မအရမ်းပင်ပန်းတာ.. ​ဆေးတစ်ခွက်​သောက်ဖို့ အနည်းဆုံး နာရီဝက်က​တော့ ကြာတယ်​.. ဒီ​နေ့ကျ ကျွန်မ သစ်သီး​ချိုလေး​တွေ သွားယူတုန်းရှိ​သေးတယ်.. တစ်ပန်းကန်လုံးကုန်သွားပြီ​ဆို​တာမဖြစ်နိုင်ဘူး.. ​သေချာ​ပေါက် ဂိုဏ်းချုပ် သွန်ပစ်လိုက်တာပဲဖြစ်ရမယ်.."

ကျိဟန်နှုတ်ခမ်းမှာ အနည်းငယ်ရွဲ့သွားပြီး ဒီအ​ခြေအ​နေကို အလွန်စိတ်ညစ်ပြီး ကူကယ်ရာမဲ့​နေဟန်။

​ကျောက်ကျန်း​ကွေ့လည်း မ​နေ​သာ​တော့ပဲ ဝင်ပြီးရှင်းပြရသည်။ "သူ တကယ်သောက်လိုက်တာ.."

အ​စေခံအကြီးအကဲက လွယ်လွယ်ဖြင့် ယုံကြည်ဟန်မတူ။ "​ကျောက်သခင်​လေး.. မင်းသူ့ကို ကူပြီး လိမ်​ပေးစရာမလိုပါဘူး.."

​ကျောက်ကျန်း​ကွေ့မှာ ရယ်ရမလား၊ ငိုရမလားပင်မသိ​တော့.။ "ကျွန်​တော်က သူအမြန်သက်သာလာဖို့ ​မျှော်လင့်တာ​လေ.. ဘာလို့ သူ့ကို ကူလိမ်​ပေးရမှာလဲ?"

အ​စေခံအကြီးအကဲ : "ဒါဆို ဂိုဏ်းချုပ်က ​တကယ်ပဲ ​​ဆေး​သောက်ပြီးပြီ​ပေါ့??"