Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၅) (အပိုင်း - ၈)
အခန်း (၂၀၄) ဒီနေ့ညလှုပ်ရှားမယ်
ခွန်လွန်တောင် အဓိကခန်းမဆောင်။
တောင်သခင်များအားလုံးက ကျိုးကျုန်းထျန်းကို ဝိုင်းပြီးကြည့်လိုက်ကြသည်။ မည်သူမှ စကားမပြောကြတော့ဘဲ တအံ့တသြဖြင့် ဆွံ့အနေကြသည်။
ကျိုးကျုန်းထျန်း ပြောလိုက်သည့်စကားကလည်း အမှန်တကယ်ပင် ထိတ်လန့်တုန်လှုပ်ဖွယ်ရာ ဖြစ်နေသည် မဟုတ်ပါလား။
ကျူးချင်က…
"ဂိုဏ်းတူအစ်ကို… ဒါတော့ နည်းနည်းများသွားပြီထင်တယ်… ၊ ရှောင်ယွိက အခုမှ ကလေးပဲ ရှိသေးတာ… ၊ အသက်မပြည့်သေးဘူးလေ… ၊ သူက အရွယ်ရောက်တဲ့မိန်းမပျိုတစ်ယောက်လို ဟန်ဆောင်ထားပေမယ့် သူက ကလေးမလေးတစ်ယောက်လေ…"
မြောင်ယွဲ့က ပြုံးလိုက်ရင်း…
"ဒါ အကြံကောင်းပဲ…"
သူမက ဆက်ပြောလိုက်သည်။
"အမှန်ပဲလေ… ၊ အင်မော်တယ်ဖြစ်ပြီးမှ လက်ထပ်ကြမယ်ဆိုပေမယ့် လက်ထပ်ပြီးမှ အတူတူအိပ်ရမယ်လို့ ဘယ်သူက သတ်မှတ်ထားလို့လဲ…"
ကျူးချင်က စိတ်ပူပန်ဟန်ဖြင့် အော်ဟစ်လိုက်သည်။
"ဂိုဏ်းတူအစ်မ…"
"ဒီကိစ္စအတွက် မင်းစိတ်ပူစရာမလိုပါဘူး ဂိုဏ်းတူညီမလေးရယ်… ၊ ကျောက်စိမ်းရေကန်နတ်ဘုရားမက ကျန်းလန်နဲ့အတူ နေချင်ဦးမှ ဖြစ်မှာပါ… ၊ ဒီလောက်လည်း မလွယ်ပါဘူး…"
ဒုတိယတောင်ထွတ်၏တောင်သခင် လျိုကျင်းက ကျူးချင်ကို နှစ်သိမ့်စကားဆိုလိုက်ပြီး အခြားတောင်သခင်များနှင့် စကားဆက်ပြောလိုက်သည်။
"အဲဒါ အကြံကောင်းတော့ဟုတ်တယ်… ၊ ဒါပေမဲ့ ကျုပ်တို့ ဝင်စွက်ဖက်လို့မရဘူး… ၊ ကျန်းလန်အပေါ်လည်း မူတည်သေးတယ်…"
ထိုအချိန် ထောင့်တစ်ထောင့်တွင် ကပ်နေသည့် မော့ကျန်းသုန့်ထံမှ စကားသံထွက်ပေါ်လာ၏။
"အတူအိပ်ဖို့အသာထား… ကျောက်စိမ်းရေကန်နတ်ဘုရားမနဲ့ ဘယ်လိုရင်းနှီးကျွမ်းဝင်အောင် နေရမလဲဆိုတာတောင် ကျန်းလန်က သိတာမဟုတ်ဘူး… ၊ အဲဒါ မင်းရဲ့ ဂိုဏ်းတူညီမလေးတွေကို ကျန်းလန်ကို နည်းနည်းပါးပါး သင်ပြပေးဖို့ ပြောကြည့်ပေးပါဦးကွာ…"
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
