Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၄) (အပိုင်း - ၁၃)
အခန်း (၃၃၅) ပဉ္စမမြောက်နတ်ဘုရားရာထူး
"ဘုန်း"
"ဘုန်း"
ပေါက်ကွဲသံများက ကျယ်လောင်သည်ထက် ကျယ်လောင်လာကြောင်း ကျန်းလန် အာရုံခံမိသည်။
နတ်ဘုရားရာထူးတစ်ခု ထွက်ပေါ်လာတော့မည် ဖြစ်၏။
နဂါးမျိုးနွယ်မှ အထွတ်ထိပ်ချန်ယွမ်နဂါမင်း ထွက်ပေါ်လာစဉ်က အချိန်အတန်ကြာနှောင့်နှေးခဲ့လေသည်။ ယခုတစ်ကြိမ်မှာတော့ နှောင့်နှေးခြင်း မရှိတော့ပေ။
ထိုအချိန် အဆုံးမရှိသည့် ကောင်းကင်ထက်တွင် ကြယ်တစ်စင်းထွန်းလင်းလာတော့မည့်အလား ခံစားလိုက်ရသည်။
သူ နတ်ဘုရားရာထူးကို ရရှိသည့်အခါ ရှေးဟောင်းဧကရာဇ်အနိမ့်ပိုင်းနန်းတော်က တုံ့ပြန်ပုံနှင့် အတူတူပင် ဖြစ်သည်။
"ဘုန်း"
ကျယ်လောင်သည့် ပေါက်ကွဲသံကြီး ထွက်ပေါ်လာသည်။
တစ်စုံတစ်ယောက်က နတ်ဘုရားရားရာထူးတစ်ခုဖြင့် ချိတ်ဆက်မိထားပြီး ဖြစ်ပုံရသည်။ မကြာမီ နတ်ဘုရားရာထူးနာမည် ထွက်ပေါ်လာပေတော့မည်။
ကျန်းလန် ခေါင်းကို အသာငုံ့လိုက်ပြီး သူ့နံဘေးတွင် စကားပြောနေသည့် အဋ္ဌမမင်းသားကို ကြည့်လိုက်သည်။ လုန်မန်ကတော့ ဘာကိုမှ သတိထားမိဟန် မတူပေ။
ဒီလောက်ကျယ်လောင်သည့် အသံကြီးများကို သူ မကြားနိုင်ဘူးလား။
"ဒါနဲ့ စကားမစပ် ၊ ကျုပ်သိထားတာတစ်ခုရှိတယ် ၊ သိလား ယောက်ဖ”
အဋ္ဌမမင်းသားက ရုတ်တရက် စကားပြောလာသည်။
"ခွန်လွန်တောင်ပတ်ဝန်းကျင်အနီးအနားမှာ မြေအောက်နတ်ဆိုးမျိုးနွယ်တွေရှိနေတယ် သိလား ၊ သူတို့တစ်ခုခုလုပ်နေတာဖြစ်ရမယ် ၊ သူတို့အုပ်စုတွေထဲမှာ အစစ်အမှန်အင်မော်တယ်တွေတောင်ပါတယ် ၊ ကျုပ် မြို့ထဲသွားတုန်းက မတော်တဆ တွေ့ခဲ့တာ ၊ ဒီတိုင်းပဲ ဖြတ်သွားဖြတ်လာ သွားကြတာလားတော့ မသိဘူး"
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
