Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၅) (အပိုင်း - ၁၄) နောက်ဆုံးပိုင်း
အခန်း (၃၅၀) ကျန်းလန်ကိုချစ်မိသွားပြီ
လုန်ယွိ ကျောက်စိမ်းရေကန်အစွန်းသို့ ရောက်လာသည်။
ကျောက်စိမ်းရေကန်ရှိရာသို့ သူမနှင့် ကျန်းလန်မှလွဲပြီး အခြား မည်သူမှာ ဝင်ရောက်နိုင်ခြင်း မရှိပေ။ ထို့ကြောင့် သူမက တောင်အစွန်းသို့သွားကာ တွေ့ဆုံရခြင်း ဖြစ်သည်။
ပြီးတော့ သူမတို့ (၂)ယောက် လူတွေမသိအောင် တိုးတိုးတိတ်တိတ် တိုင်ပင်ရမည့်ကိစ္စများလည်း ရှိသေးသည်။
မကြာမီ လင်းစီယာသည် သူမ၏ဓားကိုစီးနှင်ကာ ရောက်ရှိလာသည်။ ကျက်သရေရှိစွာဖြင့် ရှင်းသန့်လှပနေသည့် လုန်ယွိကို လင်စီးယာ တွေ့လိုက်ရသည်။
သူမက…
"ဂိုဏ်းတူအစ်မ ၊ ဂိုဏ်းတူမောင်လေး ကျန်းလန်နဲ့ တွေ့ဖြစ်သေးလား"
လင်စီးယာက တောက်ပသည့်မျက်ဝန်းများဖြင့် သူမကိုကြည့်ရင်း မေးသည်။
သူမက လုန်ယွိနှင့် ကျန်းလန်အကြောင်းကို အလွန်စိတ်ဝင်စားသူပင်။
လုန်ယွိက ခေါင်းညိတ်လိုက်ရင်း…
"ဟုတ်တယ် အခုပဲ တွေ့ပြီးပြန်လာတာ"
"ဒါဖြင့် ဂိုဏ်းတူအစ်မ"
လင်စီးယာက သူမလက်ကို အသာပွတ်သပ်ရင်း အနည်းငယ် ရှက်နေဟန်ဖြင့်…
"ဂိုဏ်းတူအစ်မ ၊ သူ့ကို ဖက်ထားလိုက်သေးလား"
ထိုစကားကိုကြားသည့်အခါ လုန်ယွိက မျက်မှောင်အနည်းငယ်ကြုံ့ရင်း ခေါင်းညိတ်ပြသည်။ သူမက ကျန်းလန်ကို ပေါ့ပေါ့ပါးပါး တစ်ချက်မျှ ပွေ့ဖက်လိုက်ရုံသာပင်။
"ဒါဖြင့် ဂိုဏ်းတူမောင်လေးကတော့ ဂိုဏ်းတူအစ်မကို ကြွေသွားတော့မှာပဲ ၊ သူရော ဂိုဏ်းတူအစ်မကို ပြန်ဖက်ထားသေးလား"
လင်စီးယာက တောက်ပသည့် မျက်ဝန်းများဖြင့် မေးလိုက်သည်။
လုန်ယွိက လင်စီးယာ၏မျက်ဝန်းများကို မကြည့်ရဲစွာဖြင့် လွှဲဖယ်လိုက်ပြီး ခေါင်းခါယမ်းလိုက်သည်။
أنت تقرأ
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
خيال (فانتازيا)My Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
