Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၃) (အပိုင်း - ၄)
အခန်း (၃၁၂) ကံကြမ္မာအခွင့်ကောင်းရောင်ဝါကို ဘယ်သူရမလဲ
"ဘုန်း"
"ဘုန်း"
ပဉ္စမထပ်တစ်ခုလုံး အလင်းရောင်များ ပွင့်ထွက်နေသည်ကို အပြင်ဘက်မှ ကြည့်နေသူများအားလုံး တွေ့မြင်နေရသည်။
ကျန်းလန်၏ မီးရောင်ေ်တာက်နေသည့် လှံရှည်သည် အရာအားလုံးကို ထိုးဖောက်သွားပြီး လမ်းကြောင်းတစ်လျှောက်အတားအဆီးများအားလုံးကို သုတ်သင်ရှင်းလင်းသွားသည်။
ထိုလှံရှည်ကို မည်သည့်အရာကမှ မရပ်တန့်နိုင်ခဲ့ပေ။
လှံရှည်ဖြတ်သန်းသွားသည့်နေရာတိုင်းတွင် လူသားအင်မော်တယ်များ အစိတ်စိတ်အမွှာမွှာ ကွဲကြေကုန်ကြသည်။ အစစ်အမှန်အင်မော်တယ်များ ပျက်စီးကုန်ကြပြီး မိုးကောင်းကင်အင်မော်တယ်များ ပျောက်ကွယ်ကုန်ကြသည်။
လှံရှည်အောက်တွင် အသက်ရှင်သန်ကျန်ရစ်သူ တစ်ယောက်မှ မရှိပေ။
ပဉ္စမထပ်မှ များစွာသော အစစ်အမှန်အင်မော်တယ်များ စတုတ္ထထပ်သို့ အလုအယက် ထွက်ပြေးတိမ်းရှောင်သွားကြပြီး လူသားအင်မော်တယ်များလည်း သူတို့နောက်မှ လိုက်သွားကြသည်။
ဒဏ်ရာရထားသည့် မိုးကောင်းကင်အင်မော်တယ် တစ်ယောက် နှစ်ယောက်ခန့်မှာလည်း ဒဏ်ရာအပြင်းအထန်ရကာ ငရဲမီးလျှံများထဲတွင် လူးလွန့်နေကြပြီး လှုပ်ရှားနိုင်ခြင်း မရှိကြတော့ပေ။
သူတို့မျက်လုံးများထဲတွင် ကြောက်ရွံ့မှုနှင့် တုန်လှုပ်မှုများနှင့် ပြည့်နက်နေကြ၏။
ဤလူထူးလူဆန်းက သူတို့အပေါ်တွင် တစ်ချက်လေးပင် သက်ညှာမှု မရှိပေ။ ယဉ်ကျေးမှုလည်းမရှိသလို အခွင့်အရေးလည်း လုံး၀ မပေးခဲ့ပေ။
နောက်ဆုံးတော့ သူတို့အားလုံး မှော်ရုံနယ်မြေအပြင်ဘက်သို့ ရောက်ရှိလာခဲ့ကြရသည်ပင်။
အပြင်သို့ရောက်ရှိလာရခြင်းအတွက် နောင်တရခြင်းလည်း မရှိသလို အပြင်သို့မရောက်လိုသည့်ဆန္ဒလည်း သူတို့ထံတါင် မရှိခဲ့ပေ။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
