Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၈) (အပိုင်း - ၄)
အခန်း (၂၄၂) အကြောက်အရွံ့ကင်းမဲ့သည့်ခွန်လွန်တောင်
ရုတ်တရက်ထွက်ပေါ်လာသည့် တန်ခိုးစွမ်းအားနှင့် ရင်ဆိုင်လိုက်ရသည့်အကြည့်ကြောင့် ကျန်းလန် သတိအနေအထား ဖြစ်သွားသည်။
အန္တရယ် ၊ အကြောက်တရား။
သူ ထိုသို့တစ်ခါမှ မခံစားခဲ့ရဘူးပေ။
ဤတန်ခိုးစွမ်းအားကြီးမားသူက တောင်သခင်များနှင့် ကျင့်ကြံခြင်းအဆင့်တူသူများလားဟု ကျန်းလန် သိချင်သွားမိသည်။
သို့သော် သူ့အဆင့်ဖြင့် ဤပုဂ္ဂိုလ်နှင့်တောင်သခင်များကြား ကျင့်ကြံခြင်းအဆင့်ကွာခြားမှုရှိလျှင်လည်း သိရှိနိုင်မည် မဟုတ်ပေ။
ယခုရောက်ရှိလာသည့်ပုဂ္ဂိုလ်မျိုးသည် လက်ဖျောက်တစ်ချက် တီးလိုက်ရုံမျှဖြင့် သူ့ကို သတ်ပစ်နိုင်ပေသည်။
ထိုခဏမှာပင် ကျန်းလန် နားလည်လိုက်သည်မှာ အစစ်အမှန်အင်မော်တယ်များသည် ရှေ့တန်းစစ်သည်တော်များအဆင့်သာ ရှိကြသည်ဆိုသည့်အချက် ဖြစ်သည်။
သူက တစ်ဖက်လူက လှုပ်ရှားမှု ပြုလုပ်သည်နှင့် ထွက်ပြေးရန် အသင့်ပြင်ထားသည်။ ကောင်းကင်ဘုံခြေလှမ်းကိုးလှမ်းကို အသုံးပြုမည်ဆိုလျှင် သူ သေချာပေါက် ထွက်ပြေးလွတ်မြောက်နိုင်မည် ဖြစ်သည်။
ယခု ရောက်ရှိနေသည့်ပုဂ္ဂိုလ်သည် သူ၏ ခန္ဓာကိုယ်အစစ်ဖြင့် ရောက်လာခြင်း မဟုတ်ပေ။ တန်ခိုးစွမ်းအား အပိုင်းအစတစ်ခုကိုသာ ခွဲဖြာပြီး စေလွှတ်လိုက်ခြင်း ဖြစ်သည်။
ထို့ကြောင့် သူ့အနေဖြင့် လွတ်အောင်ပြေးနိုင်ရန် အခွင့်အရေးရှိသည်။
အကယ်၍…
သူ မလွတ်မြောက်နိုင်ခဲ့လျှင်…
ဆရာဖြစ်သူ သူ့ကိုပေးထားသည့် ပုလဲနက်ကို အသုံးပြုရမည် ဖြစ်သည်။ သူ ချက်ချင်းပင် သေသေချာချာ သိမ်းဆည်းထားသည့် ပုလဲနက်ကို ထုတ်ယူရန် အသင့်ပြင်ထားလိုက်သည်။
ထိုပုလဲနက်က ဂိုဏ်းတူအစ်မလုန်ယွိနှင့် မစေ့စပ်ခင် သူ အန္တရယ်ကင်းစေရန်အတွက် ဆရာဖြစ်သူပေးထားသည့် မှော်ဝင်ရတနာတစ်ခု ဖြစ်သည်။
VOUS LISEZ
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
