Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၃) (အပိုင်း - ၆)
အခန်း (၃၁၄) ခွန်လွန်တောင်၏လှုပ်ရှားမှု
ပျက်သုဉ်းတစ်စပြင်လောကကြီးတစ်ခုလုံးမှ အင်အားကြီးအုပ်စုများအားလုံးက ကံကြမ္မာအခွင့်ကောင်းရောင်ဝါကို လုယူနေကြသည်။
ထိုကိစ္စက ထင်သလောက် မရိုးရှင်းကြောင်း အဋ္ဌမမင်းသားလည်း ရိပ်မိလေသည်။
သို့သော်...
ထိုရောင်ဝါကို ရရှိရန်အတွက် တိုက်ပွဲဝင်နေကြသူများမှာ မိုးကောင်းကင်အင်မော်တယ်များ ဖြစ်ကြလေရာ အစစ်အမှန်အင်မော်တယ်မျှသာဖြစ်သော သူံအတွက် အတော်ပင် ခက်ခဲပေလိမ့်မည်။
သူသာ တိုက်ပွဲတွင် ဝင်ရောက်တိုက်ခိုက်ပါက မိုးကောင်းကင်အင်မော်တယ်များက သူ့ကို ချက်ချင်းပင် သေလမ်းပို့လိုက်ကြပေလိမ့်မည်။ သူ့ဘက်မှ နဂါးမျိုးနွယ်များ လာရောက်ကူညီသည့်တိုင် အချိန်မီနိုင်မည် မဟုတ်ပေ။
ထို့ပြင် ကံကြမ္မာအခွင့်ကောင်းရောင်ဝါကို ရရှိရန် တိုက်ပွဲဝင်နေကြသူများထဲတွင် နဂါးမျိုးနွယ်များလည်း ပါဝင်နေသည်။
အကယ်၍ သူသာ ယခုအချိန် ဝင်ရောက်တိုက်ခိုက်လိုက်မည်ဆိုလျှင် မိခင်ဖြစ်သူ၏ အစီအစဉ်များ အနှောက်အယှက် ဖြစ်သွားနိုင်သည် မဟုတ်လား။
ပြိုင်ဘက်ကင်းလက်သီးနတ်ဘုရားဆိုသူကတော့ မှော်ရုံနယ်မြေထိပ်ဖျားမှအရာကို သူ ရအောင်ယူနိုင်လျှင် သေချာပေါက် အကျိုးအမြတ်များရရှိမည်ဟု ရှင်းရှင်းလင်းလင်းပင်သတင်းပေးသွားသည်။
သို့သော် အကျိုးအမြတ်ရှိသလို အားနည်းချက်များကလည်း သေချာပေါက် ရှိနေသည်ပင်။အားနည်းချက်များထဲမှတစ်ခုမှာ သူ့အနေဖြင့် နဂါးနန်းတော်သို့ပြန်ရန် ပိုမိုခက်ခဲသွားမည် ဖြစ်သည်။
အကျိုးအမြတ်ကတော့ သိသာထင်ရှားသည်။
သူက အရေးပါသည့် တည်ရှိမှုတစ်ခု ဖြစ်လာပြီး သူ၏ ကျင့်ကြံခြင်းသည်လည်း များစွာပိုမိုလျှင်မြန်လာမည် ဖြစ်သည်။ ဤသည်က နဂါးမျိုးနွယ်များအပေါ်တွင်လည်း အကျိုးအမြတ်ရှိစေမည် ဖြစ်သည်။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
