Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၆) (အပိုင်း - ၁၀)
အခန်း (၃၆၀) လူသား… မင်းက တကယ်ပဲ လူသားတစ်ယောက် ဟုတ်ရဲ့လား
ကျန်းလန်၏ ဝိညာဉ်ရောက်ရှိနေရာ မရဏလောက နယ်ခြားနေရာ။
အနက်ရောင်ပုံရိပ်တစ်ခုက လှုပ်ရှားနေပြီး သူ၏ ခန္ဓာကိုယ်က မသိမသာ တုန်ယင်သွားသည်။ သူက သူ့ကိုယ်သူ တည်ငြိမ်သွားစေရန် အကောင်းဆုံးကြိုးစားလိုက်သည်။
သူ အနည်းငယ် အံ့သြတုန်လှုပ်သွားပြီး သူ၏ဝိညာဉ်ကြိုးမျှင်ကပ်လိုက်သွားသည့် သားရဲကောင်မှာ ငရဲတံခါးတွင် သေဆုံးသွားပြီ ဖြစ်သည်။
သို့သော် သူရင်ဆိုင်လိုက်ရသည့်အရာက ဘာမှန်းပင် မသိရှိခဲ့ပေ။ ထိုအရာနှင့်သာ ရင်ဆိုင်ရလျှင် သူ သေချာပေါက် သေဆုံးရမည် ဖြစ်သည်။
သူ ငရဲတံခါး အပြင်ဘက်သို့ မထွက်ရဲတော့ပေ။
ယခု သားရဲနှင့်အတူ တွယ်ကပ်လိုက်ပါသွားသည်က သူ၏ ဝိညာဉ်ကြိုးမျှင်လေးမဟုတ်ဘဲ သူကိုယ်တိုင်သာဖြစ်နေလျှင် ပြင်ပတွင် သူ သေဆုံးသွားမည် ဖြစ်သည်။
သူက ကျန်းလန်ကို ကြည့်လိုက်သည်။
"ဒါပေမဲ့ အပြင်ကို အန္တရယ်ကင်းကင်းနဲ့ထွက်ချင်တယ်ဆိုရင် ဒီလူကို အသုံးချလို့ ရနိုင်တယ် ၊ သူ့ကို မရဏလောကထဲ ဆွဲခေါ်ပြီးရင် ငါက သူ့ခန္ဓာကိုယ်ထဲကို ဝင်သွားလို့ရတယ်"
မရဏလောကမှ တန်ခိုးစွမ်းအားရှင်က တွေးလိုက်သည်။
ထို့နောက် ပတ်ဝန်းကျင်ရှိ အနက်ရောင်အရိပ်များအားလုံးက အင်အားအလုံးအရင်းဖြင့် ကျန်းလန်ကို စတင်တိုက်ခိုက်လိုက်သည်။
ကျန်းလန်ကို သူတို့ကဲ့သို့ဖြစ်လာစေရန် မရဏလောကသို့ ဆွဲခေါ်ရန် ကြံရွယ်ထားကြသည်။
သူတို့အတွက် ကျန်းလန်ကို မရဏလောကသို့ ဆွဲခေါ်ပြီး သူတို့က အပြင်လောကတွင် နေနိုင်လျှင် အကောင်းဆုံး ဖြစ်သည်။ ဤနည်းအားဖြင့် သူတို့အနေဖြင့် ထွက်ခွာရန် အခွင့်အရေး ရရှိမည် ဖြစ်၏။
ကျန်းလန်က ထိုသူများကို ကြည့်လိုက်သည်။ သူတို့အရှိန်အဟုန်ဖြင့် ဝင်ရောက်လာသည်ကို တားဆီးခြင်းမပြုဘဲ တိုက်ခိုက်မှုကို စတင်လိုက်သည်။
VOCÊ ESTÁ LENDO
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasiaMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
