Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၅) (အပိုင်း - ၅)
အခန်း (၃၄၁) မိုးကောင်းကင်စမ်းသပ်ခံရခြင်း
"ဟုတ်တယ် ၊ နည်းနည်းတော့ ထူးခြားနေတယ် ၊ ဒါကြောင့် ဒီတစ်ကြိမ် ငရဲတံခါးမှာ ပြောင်းလဲမှုအသစ်တွေ ဖြစ်လာနိုင်တယ်"
မော့ကျန်းသုန့်က ကျန်းလန်စကားကြောင့် အံ့သြခြင်း မရှိဘဲ တည်ငြိမ်စွာဆိုသည်။
"အသံတွေ ဒါမှမဟုတ် အသွေးအမွှားသတ္တဝါလေးတွေ ငရဲတံခါးထဲက ထွက်လာနိုင်ခြေရှိတယ် ၊ ပြီးတော့ အဲဒါတွေက တကယ့် သွေးဆောင်လှည့်စားမှုတွေကို ပြုလုပ်နိုင်လိမ့်မယ် ၊ စိတ်ကိုလှည့်စားတဲ့အရာဖြစ်တဲ့ ကိုယ်တွင်းမိစ္ဆာနဲ့ လုံး၀ မတူဘူး ၊ ဒီတော့ မင်း ခံနိုင်ရည် ရှိပါ့မလား"
ကျန်းလန် ခဏမျှ တိတ်ဆိတ်နေသည်။
ထို့နောက် သူ ခေါင်းညိတ်လိုက်၏။
"ကျွန်တော် စမ်းကြည့်ချင်တယ်"
အရင်ကလည်း ငရဲတံခါးမှ ထွက်လာခါနီး သတ္တဝါတစ်ကောင်၏ အသံကို ကြားဖူးသည်ဖြစ်လေရာ ယခုလည်း မည်သို့သောအသံများထွက်လာပါစေ ကျန်းလန်အတွက် အန္တရယ် မရှိနိုင်ပေ။
သို့သော် ကျန်းလန် ယုံကြည်ချက်မလွန်ကဲဝံ့ဘဲ တတ်နိုင်သမျှ သတိထားပြီး ပြင်ဆင်မှုများ ပြုလုပ်ထားရမည် ဖြစ်သည်။
ထို့ပြင် ဆရာဖြစ်သူကလည်း သူ ငရဲတံခါးအတွင်းသို့ ပြုတ်မကျစေရန် စောင့်ကြည့်နေမည်ဟု သူ ယုံကြည်၏။ သူက တာအိုကိုနားလည်ထားသည့် မိုးကောင်းကင်အင်မော်တယ်တစ်ပါးဖြစ်သည့်တိုင် အချို့အကြောင်းအရာများက ခန့်မှန်း၍ မရနိုင်ပေ။
တစ်ခါတစ်ရံ တန်ခိုးစွမ်းအား ပိုမိုမြင့်မားလေလေ ချောက်ထဲကျရန် လွယ်ကူလေ ဖြစ်တတ်သည် မဟုတ်ပါလား။
မော့ကျန်းသုန့်က...
"ကောင်းပြီ ၊ တစ်ခုခု ပြဿနာဖြစ်ရင်လည်း ဆရာ မင်းကို လာခေါ်မယ် ၊ ဒါပေမဲ့ မင်းက အခု အင်မော်တယ် ဖြစ်လာဖို့ သိပ်မလိုတော့ဘူးဆိုတော့ ကိုယ့်ကိုယ်ကိုယ်တော့ အတင်းဖိအားမပေးနဲ့နော်"
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
