Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၆) (အပိုင်း - ၆)
အခန်း (၃၅၆) မင်းအခု သေပြီလား
ရေခဲပုစဉ်းရင်ကွဲတောအုပ်ထဲတွင် လုကျန်း လမ်းလျှောက်လျှက်ရှိသည်။
ဤတောအုပ်ထဲတွင် ပြဿနာရှိနေသည်မှာ မှန်သော်လည်း လောလောဆယ်တွင် မည်သည့်ပြဿနာမှ ရှာမတွေ့သေးပေ။
"ဒီလောက် လျှို့ဝှက်ထားနိုင်ပုံထောက်ရင် ဒီလူက သာမန်တော့ မဟုတ်နိုင်ဘူး ၊ သူ့တန်ခိုးစွမ်းအားက ငါ့ထက်တော့ မနည်းလောက်ဘူး"
လုကျန်း တွေးလိုက်သည်။
လက်ရှိတွင် လုကျန်း၏ ကျင့်ကြံခြင်းအဆင့်က အစစ်အမှန်အင်မော်တယ် ၊ နောက်ဆုံးအဆင့် ဖြစ်သည်။
အဋ္ဌမမင်းမင်းသား မြေအောက်နတ်ဆိုးများအကြောင်း သွားရောက်စုံစမ်းစဉ်က အစစ်အမှန်အင်မော်တယ် ၊ နောက်ဆုံးအဆင့်ရန်သူများနှင့် ရင်ဆိုင်ခဲ့ရသည်။
သူ သတင်းကြားထားသည်မှာ ထို အစစ်အမှန်အင်မော်တယ်က မိုးကောင်းကင်အင်မော်တယ်အဆင့်သို့ ရောက်ရှိအောင် ပြုလုပ်နိုင်သော ထူးခြားသည့်အစွမ်းရှိသည်ဟု ဆိုသည်။
ထို့ကြောင့် မိုးကောင်းကင်အင်မော်တယ်နှင့် ရင်ဆိုင်ရလျှင် ပြန်လည်ခုခံနိုင်ရန် လိုရမယ်ရ မှော်ဝင်ပစ္စည်းတစ်ခု ယူလာခဲ့သည်။
သို့သော် ယခုအချိန်ထိ မြေအောက်နတ်ဆိုးများနှင့်ပတ်သက်သည့် သဲလွန်စကို ရှာမတွေ့သေးပေ။
သူ တောအုပ်အလယ်ဗဟိုသို့ သွားရောက်ရန် ဆုံးဖြတ်လိုက်သည်။ ထိုနေရာတွင် အန္တရယ်မပြုနိုင်သည့် သားရဲတစ်ခု နေထိုင်ကြသည်။
အမှန်တော့ ရေခဲပုစဉ်းရင်ကွဲတောအုပ်က အတော်လေး အန္တရယ်ကင်းသည့် နေရာတစ်ခု ဖြစ်သည်။ ထို့ပြင် သူ၏ ကျင့်ကြံခြင်းအဆင့်ကလည်း အားမနည်းလေရာ အန္တရယ်နှင့်ရင်ဆိုင်ရလျှင်လည်း အဆင်ပြေလေသည်။
လုကျန်း တောအုပ်အလယ်ဗဟိုသို့ မရောက်ခင် ဘေးဘက်တစ်နေရာမှ တန်ခိုးစွမ်းအားအတက်အကျများ ဖြစ်ပေါ်နေသည်ကို ခံစားလိုက်ရသည်။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
