Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၇) (အပိုင်း - ၈)
အခန်း (၂၃၂) ဆရာပျောက်သွားပြီ
ကျောက်စိမ်းရေကန်နတ်ဘုရားမပန်းချီကားထဲတွင် တွေ့မြင်နေရသည့် အနက်ရောင်အခိုးအငွေ့များက ကျောက်စိမ်းရေကန်တွင် ပြဿနာတစ်ခုခု ရှိနေကြောင်း ပြသနေသည်။
အရင်နေ့များကဆိုလျှင် ပုံစံမျိုးစုံဖြင့် နေရာပြောင်းရွှေ့နေသည့် အဖြူရောင်နဂါးလေးလုန်ယွိမှလွဲပြီး မည်သည့် ထူးခြားမှုမှ မတွေ့ရှိခဲ့ပေ။
ယခုတော့ ရုတ်ချည်းပင် အနက်ရောင်အခိုးအငွေ့များထွက်ပေါ်လာလေရာ ပုံမှန်မဟုတ်သည်ကတော့ ထင်ရှားသည်။
ထိုအနက်ရောင်အခိုးအငွေ့များက ကျောက်စိမ်းရေကန်တည်ရှိရာ တောင်ထွတ်အစွန်းမှ ထွက်ပေါ်လာခြင်းဖြစ်ပြီး ကျောက်စိမ်းရေကန်အတွင်းသို့ စိမ့်ဝင်နေကြသည်။
အခိုးအငွေ့များက အားနည်းသော်လည်း ပျောက်ကွယ်သွားခြင်း မရှိပေ။
အချိန်တိုအတွင်းတော့ လုန်ယွိကို ထိခိုက်စေမည်မဟုတ်သော်လည်း အချိန်ကြာလာသည်နှင့်အမျှ ဆိုးရွားသည့် အပြောင်းအလဲများကို ဖြစ်ပေါ်လာစေပေလိမ့်မည်။
"ဒီအခိုးအငွေ့တွေက ကျောက်စိမ်းရေကန်ကို ထိခိုက်စေတာပဲ ၊ တစ်ယောက်ယောက်က လုပ်နေတာလား ၊ ဒါမှမဟုတ် သဘာဝအတိုင်းဖြစ်လာတာလား မသိဘူး"
ကျန်းလန်က ကျောက်စိမ်းရေကန်နတ်ဘုရားမပန်းချီကားကို ပေါင်ပေါ်တင်ထားရင်း တွေးနေမိသည်။
"သဘာဝအတိုင်း ဖြစ်လာတာဆိုရင်တော့ ပြဿနာမရှိဘူး ၊ ဒါပေမဲ့ တစ်ယောက်ယောက်က အန္တရယ်ပေးတာမျိုး ဖြစ်မှာ စိတ်ပူရတယ် ၊ ကျောက်စိမ်းရေကန်ကိုတောင် တိုက်ခိုက်ရဲတယ်ဆိုရင်တော့ ရန်သူက တကယ့်ကို မယုံနိုင်စရာပဲ ၊ ရှောင်ယွိရော အဲဒီကိစ္စ ရိပ်မိရဲ့လား မသိဘူး ၊ သူရိပ်မိတယ်ယ်ဆိုရင်တော့ တောင်သခင်တွေလည်း ဒီအကြောင်း သိမှာပဲ"
ဤပြဿနာက နတ်မိစ္ဆာများတိုက်ခိုက်သည့်ပြဿနာထက် ပိုပြီး အန္တရယ်များနိုင်သည်။
DU LIEST GERADE
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
