Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၉) (အပိုင်း - ၃)
အခန်း (၂၅၅) အစီအရင်ပညာအကြောင်းသုံးသပ်လေ့လာ
မြောက်ပိုင်းစွန့်ပစ်နယ်မြေ ၊ နယ်စပ်နေရာ။
မှော်ဝင်တိမ်တိုက်တောင်၏ အနောက်ဘက်ဂိုဏ်းခွဲ။
အစိမ်းရောင်မျက်နှာရှိသည့် တစ္ဆေကျင့်ကြံသူများက သစ်ပင်မိစ္ဆာများနှင့် တိုက်ခိုက်လျှက် ရှိသည်။
"ဘုန်း"
အချိန်တိုအတွင်း သစ်ပင်မိစ္ဆာများအားလုံးကို တစ္ဆေကျင့်ကြံသူများက သတ်ဖြတ်ပစ်လိုက်သည်။
ဤနေရာက တစ္ဆေတိုင်းပြည်၏ ထောက်ပံ့ရေးဌာနခွဲရှိရာနေရာဖြစ်သည်။
"ဘန်း"
လူငယ်လေးတစ်ယောက်က သစ်ပင်မိစ္ဆာများကို လက်သီးတစ်ချက်တည်းဖြင့် ထိုးနှက်သတ်ဖြတ်နေသည်။
"လက်သီးနတ်ဘုရား ၊ မြောက်ပိုင်းစွန့်ပစ်နယ်မြေက နတ်မိစ္ဆာတွေကို သတ်ဖြတ်ပစ်နိုင်ဖို့ ၊ အတားအဆီးများအားလုံးကို ဖြတ်ကျော်နိုင်ဖို့ ကျွန်တော့်ကို ကာကွယ်ပေးပါ"
"သေစမ်း"
"ဘန်း"
ဆုတောင်းပြီးသည်နှင့် လက်သီးတစ်ချက် ပစ်လွှတ်လိုက်သည်။
ရန်သူတစ်ယောက်မှ အသက်မရှင်တော့သည်ကို တွေ့မြင်ရပြီးနောက် ချင်းမုက သူ့လည်ပင်းတွင်ဆွဲထားသည့် သစ်သားပြားလေးကို ထုတ်ယူလိုက်ပြီး လက်ပေါ်တင်လိုက်သည်။
ထိုစဉ် တစ္ဆေကျင့်ကြံသူ လူငယ်တစ်ယောက် သူ့အနားရောက်လာသည်။
သူ့အမည်က ကွေကျန်း ဖြစ်၏။
ကွေကျန်းက ချင်းမုကို မေးလိုက်သည်။
"မင်း ဘာလုပ်နေတာလဲ"
ချင်းမုက…
"ကျုပ် လက်သီးနတ်ဘုရားကို ဂါရဝပြုနေတာ ၊ သူက ကျုပ်ရဲ့ လက်သီးချက်တိုင်းကို ကာကွယ်ပေးပြီး နတ်မိစ္ဆာတွေကို သတ်ဖြတ်နိုင်စေခဲ့တယ် ၊ လက်သီးနတ်ဘုရား သေဆုံးသွားတဲ့တစ်နေ့ကျ ကျုပ်က နောက်ထပ် လက်သီးနတ်ဘုရားတစ်ပါး ဖြစ်လာလိမ့်မယ် ၊ လောလောဆယ်တော့ ကျုပ်ရဲ့ ရည်မှန်းချက်က တစ္ဆေတိုင်းပြည်မှာ ထိပ်တန်းလက်သီးစွမ်းအားရှင်တစ်ယောက် ဖြစ်လာဖို့ပဲ"
VOUS LISEZ
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
