Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၅) (အပိုင်း - ၉)
အခန်း (၂၀၅) အဋ္ဌမမင်းသားနှင့်ကျန်းလန်တွေ့ဆုံခြင်း
ဝူလျဲ့က ဝူမူကို အံ့အားသင့်စွာဖြင့် ကြည့်လိုက်သည်။
ဝူမူက ပြုံးလိုက်ရင်း…
"ဘာလဲ… အံ့သြသွားတာလား…"
ဝူလျဲ့က…
"ဒီညတိုက်ဖို့ အကုန်အဆင်သင့်ပြင်ထားတာလား…"
ယနေ့ တကယ်တမ်းလှုပ်ရှားမည်ဆိုလျှင် များစွာသောကိစ္စများကို ပြင်ဆင်ရမည် ဖြစ်သည်။
ဝူမူက…
"ဘာမှ ပြင်ဆင်စရာမလိုဘူး… ၊ တစ်ယောက်ယောက်က ခွန်လွန်တောင်ကအကြီးအကဲတွေကို အချိန်ဆွဲထားလိုက်ရင် ကျုပ်တို့ အောင်မြင်မှာပဲလေ… ၊ ဒါပေမဲ့ ဘယ်လောက်အောင်မြင်မယ်ဆိုတာကတော့ အခြေအနေပေါ် မူတည်တယ်… ၊ ပြီးတော့ သူတို့တွေရောက်မလာခင် ကျုပ်တို့ ကျန်းလန်ကို အရင်ရှာရမယ်… ၊ ဒါက အောင်မြင်မှုကို အမြင့်ဆုံးဖြစ်စေမယ့် အစီအစဉ်ပဲ…"
ဝူမူက ခွန်လွန်တောင်တည်ရှိရာအရပ်သို့ လှမ်းကြည့်လိုက်ပြီး စကားဆက်ပြောသည်။
"အခုဆို ခွန်လွန်တောင်အကြီးအကဲတွေက နဂါးမျိုးနွယ်တွေနဲ့ ရင်ဆိုင်ဖို့ ခေါင်းချင်းဆိုင်နေလောက်ကြပြီ… ၊ ဒီနေ့ညသာလှုပ်ရှားလိုက်လို့ကတော့ သူတို့ အရမ်းအံ့သြသွားကြလိမ့်မယ်… ၊ အချိန်ဆွဲနေရင်သာ ပြဿနာရှိလာနိုင်တယ်…"
ဝူလျဲ့က သိချင်စိတ်ဖြင့်…
"ဒါဖြင့် ကျန်းလန်ကို ဘယ်လိုရှာရမှာလဲ…"
ဝူမူက အင်းသင်္ကေတများဖြင့်ပြည့်နေသည့် ကျောက်တုံးတစ်တုံးကို ထုတ်ယူလိုက်ပြီး…
"ဒါကိုအသုံးပြုပါ…"
ဝူမူက ဆက်ရှင်းပြသည်။
"ဒီကျောက်တုံးကို မိုးကောင်းကင်လျှို့ဝှက်ကျောက်တုံးလို့ ခေါ်တယ်… ၊ ကျန်းလန်ကို ရှာဖွေနိုင်ဖို့ ဒီကျောက်တုံးကို အသုံးပြုပါ… ၊ ဒါပေမဲ့ သူ့ကို မျှားခေါ်နိုင်ဖို့ကတော့ မင်းရဲ့စွမ်းရည်အပေါ် မူတည်တယ်… ၊ သူ့ကို မျှားမခေါ်နိုင်ရင်တော့ သွားရှာရမှာပဲ… ၊ ဒီည ကျုပ်တို့ သူ့ကိုမိမှဖြစ်မယ်… ၊ ဟက်… အစစ်အမှန်အင်မော်တတယ် (၂)ပါး သူ့ရှေ့ရောက်လာတာတွေ့ရင် ဒီကောင် ဘယ်လိုခံစားရမလဲ သိချင်မိတယ်…"
CITEȘTI
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantezieMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
