Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၁) (အပိုင်း - ၁၂)
အခန်း (၂၉၂) ရှုံးတဲ့သူရဲ့မှော်ဝင်ပစ္စည်းကို နိုင်တဲ့သူကယူခွင့်ရှိတယ်
ရှောင်ယွိ အဝတ်အစားများ မိုးရေတစ်စက်ပင် မစိုတော့ဘဲ ခြောက်သွေ့သွားပြီ ဖြစ်သည်။
သူမက တည်ကြည်သည့်မျက်နှာထားဖြင့် ကျန်းလန်ကို လက်ညှိုးထိုးလိုက်ပြီး…
"ဂိုဏ်းတူမောင်လေး… ရှင့်ရဲ့ ကျင့်ကြံခြင်းအင့်ကို ထုတ်ဖော်ပြစမ်းပါ"
ကျန်းလန် : "……"
ကျန်းလန်က မရှိမှုအာကာသ ၊ ကနဦးအဆင့် ကျင့်ကြံခြင်းကို ထုတ်ဖော်ပြသလိုက်သည်။
"အိုး… မရှိမှုအာကာသ ၊ ကနဦးအဆင့်လား"
ရှောင်ယွိ ခဏမျှ တွေးနေပြီးမှ စကားဆက်ပြောသည်။
"ဒါဖြင့် ကျွန်မက မရှိမှုအာကာသ ၊ အလယ်ဆင့်အထိ ကျင့်ကြံခြင်းအဆင့်လျှော့ချပြီး ဂိုဏ်းတူမောင်လေးနဲ့ တိုက်ခိုက်မယ် ၊ ဟွန့်… ကျွန်မအတွက် အကျိုးတောင်မရှိ ဖြစ်ရဦးမယ်"
ကျန်းလန်ကတော့ ရှောင်ယွိကို ငေးကြည့်နေမိသည်။
ဒီဂိုဏ်းတူအစ်မလေးကတော့ တစ်နေ့တခြား ဆိုးသွမ်းလာသည်ပင်။ ပြီးတော့ ပို၍လည်း အသက်ဝင်လာပြီး မျက်နှာအမူအရာလေးများကိုလည်း အမျိုးမျိုး လုပ်တတ်လေသည်။
သူတို့ (၂)ယောက်ကြားတွင် ခြားထားသည့်စည်းများ မရှိသလောက် ဖြစ်လာရပြီး အပေးအယူကိစ္စများဆိုလျှင် ပြောပင်မပြောဖြစ်ကြတော့ပေ။
သို့သော် ကျန်းလန်က စိတ်မသက်မသာမဖြစ်သည့်အပြင် ပို၍ပင် သက်သောင့်သက်သာ ခံစားရသည်။
ကျန်းလန်က…
"ဒါဖြင့် ရင်ပြင်မှာ သွားတိုက်ကြမယ်လေ"
ရှောင်ယွိက ကျန်းလန်ကို ကြည့်လိုက်ရင်း…
"တိုက်ခိုက်ကြမယ်ဆိုရင် ကျွန်မက လုန်ယွိပုံစံ ပြောင်းရမှာ ၊ ဘာလဲ ကျွန်မ မိုးရေစိုပြီး ကြွက်စုတ်ဖြစ်တဲ့ပုံကို ကြည့်ပြီး လှောင်ရယ်ချင်လို့ ဒီလိုပြောတာလား"
BINABASA MO ANG
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
