Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၉) (အပိုင်း - ၇)
အခန်း (၂၅၉) နဂါးမျိုးနွယ်ယောက်ဖ
သွေးမှုံများလေထဲတွင် လွင့်ပျံသွားပြီး ကျိုးပဲ့နေသည့် ခန္ဓာကိုယ်အစိတ်အပိုင်းများက ကောင်းကင်ထက်မှ ဝဲပျံကျလာသည်။
အသက်ရှင်ကျန်ရစ်သူ တစ်ယောက်မှ မရှိ။
အလောင်းများက မြေပြင်ထက်တွင် ပုံလျှက်ရှိသည်။
ဤသည်က ပခုံးကိုအပုတ်ခံလိုက်ရသဖြင့် နောက်လှည့်ကြည့်လိုက်သည့် အစစ်အမှန်အင်မော်တယ် တွေ့မြင်လိုက်ရသည့် မြင်ကွင်းပင်။
အားလုံး တစ်ယောက်မကျန် သေဆုံးသွားကြပေပြီ။ သို့သော် သူတစ်ယောက် ကျန်နေသေး၏။
သူ့ပခုံးကို ပုတ်လိုက်သူအား ကြည့်ရင်း နှုတ်ခမ်းများလှုပ်ရွလာသော်လည်း စကားတစ်ခွန်းမှ ပြောထွက်မလာခဲ့ပေ။ ကြီးစွာသောဘေးအန္တရယ်ကပ်ဆိုးကြီး သူ့ထံကျရောက်တော့မည်ဖြစ်လေရာ စကားမပြောနိုင်စွမ်းပင် မရှိတော့ပြီ။
"ကျုပ်… ကျုပ်…"
ကျန်းလန် ခေါင်းညိတ်လိုက်သည်။
"ကျုပ် နားလည်ပါတယ်"
"ဘုန်း…"
သွေးမှုန်များ လွင့်ပျံသွားသည်။
ထိုအစစ်အမှန်အင်မော်တယ်ကို မည်သည့်နာကျင်မှုမှ မပေးဘဲ သူ သတ်ဖြတ်ပစ်လိုက်၏။
ထိုသူခမျာ ကျန်းလန်ပြောသည့် "နားလည်ပါတယ်" ဆိုသည့် စကားကိုပင် နားမလည်သွားနိုင်ခဲ့ရှာပေ။
လေပြေလေးက ဖြတ်သန်းတိုက်ခတ်သွားသည်။
ကျန်းလန်က လုန်မန်အနားသို့ လျှောက်သွားလိုက်ပြီး မြေပြင်ထက်စိုက်ဝင်နေသည့် ပုဆိန်သွားလှံရှည်ကို ဆွဲနှုတ်လိုက်သည်။
ထို့နောက် လှံရှည်ကို တစ်ချက်ဝှေ့ယမ်းလိုက်သည်နှင့်…
"ကျီ"
လှံရှည်မှ မိုးကြိုးလျှပ်စီးများထွက်ပေါ်လာပြီး လောကတစ်ခုလုံးကို တုန်လှုပ်သွားစေသည်။
"ဝှစ်"
"ဘုန်း"
အဆုံးမရှိသည့် လျှပ်စီးအလင်းရောင်များက တစ်ခဏအတွင်းမှာပင် မြေပြင်ထက်မှ အလောင်းများအားလုံးကို ဖုံးလွှမ်းသွားသည်။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
