နဂါးမယ်လေးရဲ့ ငရဲတံခါးရဲ့ချစ်သူ (စာစဉ် - ၂၁) (အပိုင်း - ၁)
အခန်း (၂၈၁) ဧကရာဇ်ရှီးဟယ်၏တန်ပြန်စေခိုင်းမှု
စိမ့်စမ်းနယ်မြေမှ ထွက်လာပြီးနောက် ကျန်းလန် စိတ်သက်သာရာရစွာဖြင့် သက်ပြင်းချလိုက်သည်။
"နောက် အဲဒီလိုနေရာမျိုး ဘယ်တော့မှ မသွားတော့ဘူး"
ကျန်းလန် တွေးလိုက်သည်။
မည်သည့်နေရာတွင် မြေအောက်နတ်ဆိုးများ ပုန်းကွယ်နေနိုင်သည်ကို ခန့်မှန်းရခက်လှသည်။ နတ်ဆိုးများ မရှိနိုင်ဟု ယူဆမိသည့်နေရာမှ နတ်ဆိုးများ ဒါဇင်နှင့်ချီပြီး ထွက်လာခဲ့သည် မဟုတ်ပါလား။
သို့ဆိုလျှင် မြေအောက်ဂူများတွင်လည်း နတ်ဆိုးလက်ကျန်များ အများအပြား ရှိနေဦးမည်ပင်။
ကျန်းလန် ခေါင်းခါယမ်းလိုက်ပြီး သာမန်တောအုပ်ငယ်လေးတစ်ခုအတွင်းသို့ လမ်းလျှောက်ဝင်လာသည်။ ဤနေရာတွင်တော့ နတ်ဆိုးများ ဒါဇင်နှင့်ချီပြီး ရှိနေမည်မဟုတ်ဟု တွေးမိသည်။
ထို့ပြင် ယခုအချိန်ထိ မှတ်တမ်းတင် မှော်ဝင်ပစ္စည်းတွင် တိုက်ပွဲရလဒ်တစ်ခုကိုပင် မှတ်တမ်းတင်နိုင်ခြင်း မရှိသေးပေ။ ထိုသို့ဆိုလျှင် ခွန်လွန်တောင် ၊ အဓိကခန်းမဆောင်မှ ကျောက်စာတိုင်တွင် သူ့အောင်မြင်မှုကို မှတ်တမ်းတင်နိုင်မည် မဟုတ်ပေ။
ကျန်းလန် လမ်းလျှောက်နေစဉ်…
ရုတ်တရက် သူ့စိတ်အာရုံထဲတွင် အသံများထွက်ပေါ်လာသည်ကို ကြားလိုက်ရ၏။
"ရှေးဟောင်းဧကရာဇ်အနိမ့်ပိုင်းနန်းတော်မှ တစ္ဆေတိုင်းပြည်ရဲ့ ပြိုင်ဘက်ကင်းလက်သီးနတ်ဘုရား"
ထိုအသံက လျှပ်တပြက်အတွင်း ထွက်ပေါ်လာခြင်းဖြစ်သည်။
ကျန်းလန် ခြေလှမ်းများ ရပ်တန့်သွားခြင်းမရှိဘဲ တောအုပ်ငယ်အတွင်းမှ ခွန်လွန်တောင်လမ်းဆီသို့ ဖြတ်တက်လာသည်။
စကားသံက ထပ်မံ ထွက်ပေါ်လာသည်။
"ချင်းချန်မြို့နားမှာ ကံကြမ္မာအခွင့်ကောင်းရောင်ဝါတစ်ခု ပိုင်ဆိုင်ထားသူတစ်ယောက် ရှိတယ် ၊ အဲဒီလူကို သတ်လိုက်ရင် မင်းအတွက် အကျိုးရှိလိမ့်မယ် ၊ ဒါပေမဲ့ အလောင်းကိုတော့ ခွန်လွန်တောင်ကို လွှဲပြောင်းပေးပါ ၊ အခက်အခဲတစ်ခုခု ကြုံရင် ကျုပ်နာမည်သာ ခေါ်လိုက် ၊ ကျုပ် လာကူညီမယ်"
ESTÁS LEYENDO
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasíaMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
