Uni
အခန်း (၃၂၆) တစ္ဆေတိုင်ပြည်၏တိုင်းပြည်ကံကြမ္မာချီစွမ်းအားကတွေ့ရှိသွားခြင်း
တောအုပ်တစ်ခုထက်ရှိ သစ်ပင်တစ်ပင်ထက်တွင် ကျန်းလန် မတ်တတ်ရပ်လျှက် ရှိသည်။
သူက သစ်ရွက်အမြင်တန်ခိုးစွမ်းအားကို ထုတ်ဖော်လိုက်ပြီးနောက် သူ၏နတ်ဘုရားရာထူးမှ တောက်ပနေသည့် အလင်းစက်လေးကို လက်ဖြင့်အသာထိလိုက်သည်။
ထိုအခါ စိတ်အာရုံထဲတွင် ဆုတောင်းသံများ အဆက်မပြတ်ကြားလာရသည်။ သို့သော် ပုံရိပ်များကိုတော့ တွေ့မြင်ရခြင်း မရှိပေ။
"ငါ နတ်ဘုရားရာထူးကို အတိုင်းအတာတစ်ခုအထိ ထိန်းချုပ်နိုင်နေပြီ ၊ ဒါတောင်မှ ဒီဆုတောင်းသံတွေကို မကြားရအောင် တားဆီးလို့မရသေးဘူး"
ကျန်းလန် မည်သို့မှ မတတ်နိုင်စွာ တွေးလိုက်သည်။
ဆုတောင်းသံများက အရင်ကလောက် သူ့အပေါ်သက်ရောက်မှုမရှိတော့သည့်တိုင် လွှမ်းမိုးမှုအချို့ကတော့ ရှိနေဆဲပင်။
ကျန်းလန်က ချင်းမုကို ကိုယ်စားပြုသည့် အလင်းရောင်အစက်အပျောက်လေးကို ထိလိုက်သည့်တိုင် တစ္ဆေတိုင်းပြည်မှ အခြေအနေကို တွေ့မြင်ရခြင်း မရှိပေ။
ဝေးကွာလွန်းလွန်းသည့်အတွက် အခြေအနေကို တွေ့မြင်ရန် ခက်ခဲခြင်း ဖြစ်နိုင်၏။
ကျန်းလန် တောင်နှင့်ပင်လယ်ကြေးမုံမှန်ကို ထုတ်ယူပြီး နတ်ဘုရားရာထူးနှင့် ချိတ်ဆက်ကြည့်လိုက်တော့မှ မြင်ကွင်းများ ထွက်ပေါ်လာသည်။
ကြေးမုံမှန်ထက်တွင် အဆုံးမဲ့တောင်တန်းဒေသတစ်ခုကို တွေ့မြင်ရသည်။ ထိုနေရာတွင် တစ္ဆေကျင့်ကြံသူများစွာ စုဝေးနေကြသည်။
ထိုတစ္ဆေကျင့်ကြံသူများ၏ရှေ့တွင် ကျောက်တုံးရုပ်တု (၂)ခု ရှိနေ၏။
ရုပ်တုတစ်ခုက နံရံကိုမှီပြီး မတ်တတ်ရပ်နေသည့် ပုံသဏ္ဌဖြစ်ပြီး နောက်ရုပ်တုတစ်ခုကတော့ လက်သီးများကို တင်းတင်းဆုပ်ထားသည့် ရုပ်တုတစ်ခု ဖြစ်သည်။
သို့သော် ထိုရုပ်တု၏အသွင်အပြင်ကို ရှင်းလင်းပြတ်သားစွာ မတွေ့မြင်ရပေ။ ပင်ကိုယ်ကပင် မှုံဝါးဝါးအသွင် ဖြစ်ဟန်တူသည်။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
