Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၀) (အပိုင်း - ၄)
အခန်း (၂၇၀) ကျွန်မတို့ မနက်ဖြန်လက်ထပ်ရတော့မယ်
သစ်ရွက်အမြင်တန်ခိုးစွမ်းအားကို ထုတ်ဖော်လိုက်သည်နှင့် တစ်စုံတစ်ယောက်က သူ၏တည်နေရာကို ထိုးဖောက်ကြည့်ရှုနေကြောင်း သိလိုက်ရသည်။ သို့သော် ထိုသူ၏ တည်နေရာကိုတော့ သိရှိရခြင်း မရှိပေ။
ခါတိုင်းဆိုလျှင် သစ်ရွက်အမြင်တန်ခိုးစွမ်းအားက သူ့ကို စိုက်ကြည့်နေသူများ၏ တည်နေရာကို ညွှန်ပြပေးလေ့ရှိသည်။ ယခုတော့ ညွှန်ပြနိုင်ခြင်း မရှိခဲ့ပေ။
ဖြစ်နိုင်ခြေ (၂)ခု ရှိသည်။
တစ်ဖက်လူက အလွန်တရာ တန်ခိုးစွမ်းအားမြင့်မားသောကြောင့်လည်း ဖြစ်နိုင်သလို တစ်ဖက်လူ၏ တည်နေရာက အလွန်ဝေးကွာသောကြောင့်လည်း ဖြစ်နိုင်သည်။
ကျန်းလန်၏ လက်ရှိတန်ခိုးစွမ်းအားဖြင့်ဆိုလျှင် တစ်ဖက်လူက အလွန်ဝေးကွာသည့် နေရာတွင် ရှိနေပါက တည်နေရာကို ရှင်းလင်းပြတ်သားစွာ သိရှိနိုင်မည် မဟုတ်ပေ။
သူ့ကို စောင့်ကြည့်နေသူက မည်သူများ ဖြစ်နိုင်မည်လဲ။
နတ်လူသားမျိုးနွယ်များ ဖြစ်နိုင်သလို နတ်မိစ္ဆာများလည်း ဖြစ်နိုင်ခြေရှိသည်။ တစ္ဆေတိုင်းပြည်ကတော့ ထိုသို့ ပြုလုပ်လိမ့်မည်မလုပ်ဟု ထင်ရသော်လည်း အတိအကျတော့ ပြော၍မရပြန်ပေ။
ကျန်းလန်၏ သစ်ရွက်အမြင်တန်ခိုးစွမ်းအားက အဆက်မပြတ်လှည့်ပတ်နေပြီး တစ်ဖက်လူက သစ်ရွက်အမြင်တန်ခိုးစွမ်းအားကိုပင် ထိုးဖောက်ကြည့်နေကြောင်း လက္ခဏာများ ပြသနေသည်။
တစ်ဖက်လူက ကျန်းလန်ကို အာရုံခံကြည့်ရှုနိုင်ရန်အတွက် သာမန်မဟုတ်ဘဲ ထူးခြားသည့်မှော်ဝင်စ္စည်းတစ်ခုကို အသုံးပြုနေဟန် ရှိသည်။
မှော်ဝင်ပစ္စည်းများအသုံးပြုသည်ဆိုလျှင် နတ်လူသားမျိုးနွယ်များထက် နတ်မိစ္ဆာများ ပိုပြီး ဖြစ်နိုင်ခြေရှိသည်။ သူ့ကို အာရုံခံကြည့်နေခြင်းထက် သူရရှိထားသည့် နတ်ဘုရားရာထူးကို အာရုံခံကြည့်နေခြင်း ဖြစ်နိုင်သည်။
ŞİMDİ OKUDUĞUN
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantastikMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
