Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၇) (အပိုင်း - ၈)
အခန်း (၃၇၂) ပုံရိပ်ယောင်အစီအရင်
ကျန်းလန် စိတ်ရှုတ်ထွေးသွားသည်။
ယနေ့ဘာတွေဖြစ်နေပါသနည်း။
သူ နေထိုင်သည့် အိမ်ခြံဝင်းက စွဲဆောင်မှုတစ်ခုခု ရှိနေသည့်အလား လူပေါင်းများစွာက ဝိုင်းဝန်းကြည့်ရှုနေကြသည်။ သူ့အိမ်ခြံဝင်းဟု အတိအကျမဆိုနိုင်သော်လည်း မက်မွန်တောလေးက သူ့ခြံဝင်းဆီသို့ ဦးတည်ရာနေရာ ဖြစ်သည်။
ထိုသူများက ဉာဏ်တော့ကောင်းကြသည်။ အပြင်မှသာ ကြည့်နေကြပြီး မက်မွန်တောထဲသို့ ဝင်ရောက်ခြင်း မရှိကြပေ။ မဟုတ်ပါက အထဲတွင် လမ်းပျောက်သွားမည် ဖြစ်၏။
သို့သော်…
မက်မွန်တောထဲတွင်လည်း လူများစွာ ရှိနေကြပြန်သည်။ ထိုသူများကတော့ ပြန်ထွက်လာရန် လွယ်ကူမည် မဟုတ်ပေ။
"ဂိုဏ်းတူအစ်ကိုက တံခါးပိတ်ကျင့်ကြံရာက ထွက်လာပြီး ဒီနေရာရောက်လာတာလား"
ဂိုဏ်းတူညီငယ်ချိုးကျီးက ကျန်းလန်ကို မေးမြန်းစပ်စုလိုက်သည်။
သူက ကျန်းလန်၏ ကျင့်ကြံခြင်းအဆင့်ကို ခန့်မှန်းနိုင်ခြင်းမရှိဘဲ သူ့ထက် အနည်းငယ်သာ အဆင့်မြင့်မားနိုင်သည်ဟု မှန်းဆထားသည်။
ကျန်းလန်ကလည်း မရှိမှုအာကာသအဆင့် တန်ခိုးစွမ်းအားများကို ထိန်းချုပ်ထားလေရာ တပည့်ငယ်များ သူ၏ ကျင့်ကြံခြင်းအဆင့်ကို မခန့်မှန်းနိုင်သည်မှာ မဆန်းပေ။
ကျန်းလန်က ခေါင်းညိတ်လိုက်ရင်း…
"ဟုတ်တယ် ၊ အခုပဲ တံခါးပိတ်ကျင့်ကြံရာကနေ ထွက်လာတာ"
တံခါးပိတ်ကျင့်ကြံရာမှ ထွက်လာလာချင်းပင် သူ့အိမ်အဝိုင်းခံနေရသည်ကို သိလိုက်ရသည်။ ထို့ကြောင့် မည်သည့်ကိစ္စများ ဖြစ်ပျက်နေကြောင်း အလွန်သိချင်နေမိ၏။
သို့သော် ဆရာဖြစ်သူက သူ့ကိုအကြောင်းမကြားသည်ကို ကြည့်ခြင်းအားဖြင့် ယခုကိစ္စက အန္တရယ်မရှိနိုင်ပေ။ သို့မဟုတ် ရှောင်ယွိက သူ့အိမ်ခြံဝင်းကို အကြီးအကျယ် ဖျက်စီးပစ်လိုက်သောကြောင့်များ လူမျာစွာ လာရောက်ကြည့်ရှုနေခြင်းများလား။
JE LEEST
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
