Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၆) (အပိုင်း - ၁၃)
အခန်း (၂၂၃) ဓားချက်တစ်ချက်
လူပေါင်းများစွာက တိုက်ပွဲကို အနီးကပ်ကြည့်ရှုနေကြသည်။
သို့သော် ကျန်းလန် ဒီအတိုင်းပင် ရှုံးနိမ့်သွားလိမ့်မည်ဟု သူတို့ တွေးထင်နေကြဆဲပင်။ တောင်သခင်များကလည်း ကျန်းလန်အနိုင်ရမည်ဟု တွေးမထားခဲ့ကြပေ။
စိန်ခေါ်ပွဲ လာရောက်ကြည့်ရှုသည့်လူအများစုက ကျန်းလန် မည်မျှအထိ ခံနိုင်ရည်ရှိမည်ကို သိချင်သည့်အတွက်သာ လာရောက်ကြည့်ရှုကြခြင်း ဖြစ်သည်။
သို့သော် ကျန်းလန် ဓားကွက်ထုတ်ဖော်လိုက်သည်နှင့် သူသည်လည်း နေရာမှ ပျောက်ကွယ်သွားသည်။
ကျန်းလန် ရုတ်တရက်ပျောက်ကွယ်သွားသောကြောင့် လုန်မန် အံ့သြမှင်တက်သွား၏။ ဓားကွက်ထုတ်ဖော်လိုက်သည်နှင့် တစ်ဖက်လူက ရုတ်တရက်ပျောက်ကွယ်သွားသည်မှာ ထူးဆန်းလှသည်။
သို့သော် ကျန်းလန်၏ ပုံရိပ်ကို ရိပ်ကနဲ တွေ့မြင်လိုက်ရချိန်တွင် သူ ကျန်းလန်ကို လုံး၀ လျှော့မတွက်ဝံ့တော့ပေ။ သူက လှံရှည်ကို တင်းတင်းဆုပ်ကိုင်လိုက်ပြီး ကျန်းလန်၏ ဓားကွက်ကို ချက်ချင်း ခုခံလိုက်သည်။
ကျန်းလန်၏ တိုက်ခိုက်မှုက လျှင်မြန်လွန်းလေရာ ဓားရောင်တစ်ချက်လက်ကနဲသာ တွေ့မြင်လိုက်ရပြီး လုန်မန်မှာ ကမန်းကတန်း ခုခံလိုက်ရသည်။
"ကလန်…"
ဓားရောင်တစ်ချက်လက်သွားပြီး ကျန်းလန်၏ ပုံရိပ်က နောက်တစ်ကြိမ် ပျောက်ကွယ်သွားပြန်သည်။
လုန်မန်ကလည်း ကျန်းလန်၏ တိုက်ခိုက်မှုကို ချက်ချင်းသိရှိလိုက်သည်။ ကျန်းလန်က သူ့အနောက်ဘက်မှ တိုက်ခိုက်လိုက်ခြင်း ဖြစ်၏။
သူက လှံရှည်ကို ဝှေ့ယမ်းလိုက်ပြီး ကိုယ်ကိုလှည့်ကာ ကျန်းလန်၏ တိုက်ခိုက်မှုကို ရင်ဆိုင်လိုက်သည်။
"ချွင်..."
ဓားရောင်တစ်ချက်တုန်ခါသွားပြီး ဓားဝိညာဉ်က ပိုမိုပြင်းထန်လာသည်။
BẠN ĐANG ĐỌC
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
Viễn tưởngMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
