Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၇) (အပိုင်း - ၆)
အခန်း (၂၃၀) ခွန်လွန်တောင်၏အံ့သြဖွယ်အပြုအမူ
လုန်မန်၏ စကားလုံးများက ကလေးငယ်ကို အံ့အားသင့်သွားစေသည်။
ထို့အတူ ကျန်းလန်သည်လည်း အံ့အားသင့်သွားရ၏။ သူနှင့် လုန်ယွိကို "လိုက်ဖက်ညီသည်" ဟု မည်သူမှ မပြောခဲ့ဖူးပေ။
ခွန်လွန်တောင်မှ တပည့်အများစုက သူ့ကို ကျောက်စိမ်းရေကန်နတ်ဘုရားမနှင့် မတူမတန်ဟု ပြောဆိုဝေဖန်လေ့ရှိကြသည်။
ကျောက်စိမ်းရေကန်နတ်ဘုရားမ ကိုယ်တိုင်ပင် သူ့ကို အထင်အမြင်သေးနေသည့်အလား သူတို့က ဝေဖန်ခဲ့ကြဖူးလေသည်။
ယခု အဋ္ဌမမင်းသား ပြောဆိုသည့်စကားများကို ကျန်းလန်ဘဝတွင် ပထမဆုံး ကြားဖူးခြင် ဖြစ်၏။
ကလေးငယ်က အနည်းငယ် ဇဝေဇဝါဖြစ်သွားဟန်ဖြင့်…
"အဲဒီလိုကြီးကတော့ နည်းနည်းမကြမ်းလွန်းဘူးလား"
လုန်မန်၏စကားကိုနားထောင်ပြီး သူ့စိတ်ထဲတွင် ဆိုးရွားသည့် ခံစားချက်ကိုပင် ခံစားလိုက်ရသည်။
ထို့နောက် သူက ကျန်းလန်ကို လှမ်းကြည့်လိုက်၏။
ကျန်းလန်က…
"ဟေ့… ကျုပ်ကို လာမကြည့်နဲ့လေ…"
ကလေးငယ်က သူ့ကို သေချာပေါက် မေးခွန်းထုတ်တော့မည်ကို ရိပ်မိလိုက်သဖြင့် ကျန်းလန်က ကြိုကာလိုက်သည်။ သို့သော် ကလေးငယ်ကတော့ ထင်ထားသည့်အတိုင်းပင် ကျန်းလန်ကို မေးမြန်းတော့၏။
"အစ်ကိုကြီးက အဲဒီလိုမျိုး လိုက်ဖက်ညီတဲ့ မိန်းကလေးတစ်ယောက်နဲ့ စေ့စပ်ထားတာလား"
ခဏမျှ တိတ်ဆိတ်သွားပြီးနောက် ကျန်းလန်က တိုးလျသည့် လေသံဖြင့်…
"အင်း… သူက ကျုပ်ကို မမုန်းပါဘူး"
ရှောင်ယွိက သူ့ကို မုန်းတီးခြင်း မရှိပေ။
ထို့ကြောင့် သူတို့၏ အနာဂတ်က ဖြစ်နိုင်ခြေ များစွာ ရှိနေခဲ့သည်။
ရှောင်ယွိက သူ့အပေါ်ကောင်းမွန်သည့်အတွက် သူက ရှောင်ယွိကို တမင်သက်သက် အနိုင်ယူချိုးနှိမ်ရန် မလိုအပ်ပေ။
KAMU SEDANG MEMBACA
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasiMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
