Uni
အခန်း (၃၈၆) သူ၏နတ်ဘုရားရာထူးက အမှန်ကတယ်ပင်ထူးခြားသည်
"ဒီလိုပဲ အခြားတပည့်တွေလည်း ပြင်ပလောကမှ မိုးကောင်းကင်စမ်းသပ်ခံရဖို့ ထွက်သွားလေ့ ရှိကြတာပဲ ၊ မင်းတို့တွေက ဘာလို့ ဒီလောက်စဉ်းစားနေကြတာလဲ"
ကျိုးကျုန်းထျန်းက စိတ်ဝင်တစားဖြင့် မေးလိုက်သည်။
အဋ္ဌမတောင်ထွတ်မှ သူ့တပည့်များဆိုလျှင် အတွေ့အကြုံယူရန်ဖြစ်စေ ၊ အင်မ်ော်တယ်အဆင့်တက်ရန်ဖြစ်စေ ပြင်ပလောကသို့ ထွက်ခွာနေကြစမြဲ ဖြစ်သည်။
ဘာမှ ထူးဆန်းသည် မဟုတ်ပေ။
မြောင်ယွဲ့က ပြုံးလိုက်ရင်း...
"တခြားသူတွေအတွက်ကတော့ ဟုတ်တာပေါ့ ၊ ဒါပေမဲ့ ကျန်းလန်အတွက်ကတော့ ပုံမှန်မဟုတ်တဲ့ကိစ္စပဲလေ ၊ ဒါပေမဲ့ အရမ်းကြီး စိတ်ပူစရာလည်း မလိုပါဘူးလေ ၊ ဆိုတော့... ကျွန်မ ခန့်မှန်းကြည့်မယ်"
သူမက ဆက်ပြောသည်။
"သူ မိုးကောင်းကင်စမ်းသပ်မခံရသေးခင် ပြင်ပလောကို ထွက်သွားတာ ကိစ္စ (၂)ခု ဖြစ်နိုင်တယ် ၊ (၂)ခုလုံးက သူ ကျင့်ကြံခြင်းအဆင့်တက်တာနဲ့ ပတ်သက်နေနိုင်တယ်"
"ပထမတစ်ချက်က မိုးကောင်းကင်စမ်းသပ်ခံရတာကို လွယ်လွယ်နဲ့ မဖြတ်ကျော်နိုင်ဘူးလို့ ယူဆတဲ့အတွက် ပြင်ပလောကမှာ အခွင့်အလမ်းကောင်းတွေ သွားရောက်ရှာဖွေတာ ဖြစ်ရမယ်"
"ဒုတိယအချက်ကတော့ သူ့ရဲ့ မိုးကောင်းကင်စမ်းသပ်ခံရခြင်းက တစ်စုံတစ်ခု မှားယွင်းနေတာကြောင့် ဖြစ်လိမ့်မယ် ၊ အခြားကိုယ်ရေးကိုယ်တာကိစ္စတွေကတော့ ဘာမှ စိတ်ပူစရာ မရှိပါဘူး"
ကျူးချင်က...
"ဒါဖြင့် သူက လက်ထပ်ရမှာကြောက်လို့ စိတ်တည်ငြိမ်အောင် ခရီးထွက်သွားတာမျိုးရော မဖြစ်နိုင်ဘူးလား"
မြောင်ယွဲ့က ရယ်မောလိုက်ရင်း...
"စောစောက ကျွန်မမှန်းသလို လက်ထပ်ရမှာကြောက်လို့ ထွက်ပြေးတာဆိုရင်တော့ သေချာပေါက် ပြန်လာမှာ မဟုတ်တော့ဘူး"
STAI LEGGENDO
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
