Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၆) (အပိုင်း - ၆)
အခန်း (၂၁၆) ရှောင်ယွိ၏စေတနာ
သာမန်နဂါးတစ်ကောင်နှင့် မွေးရာပါအင်မော်တယ်နဂါးတစ်ကောင် ဆိုသည်က အဆင့်အတန်းချင်း ကမ္ဘာခြားသလို ကွာခြား၏။
လုန်ယွိက ခွန်လွန်တောင်မှ ထိပ်တန်းပါရမီရှင် တပည့်တစ်ယောက် ဖြစ်သည်။ ကျောက်စိမ်းရေကန်မှ အထောက်အပံ့များကို ရရှိသည့်အတွက် အခြားပါရမီရှင်များပင် သူမကို မယှဉ်နိုင်ခဲ့ပေ။
သို့သော် အင်မော်တယ်ဖြစ်လာရန်အတွက်ဆိုလျှင် သူမ နှစ်ပေါင်း (၅၀၀)ခန့် အချိန်ယူရပေဦးမည်။ သူမ၏မောင်လေးဖြစ်သူ လုန်မန်ကတော့ အင်မော်တယ်အဖြစ် မွေးဖွားလာသူ ဖြစ်သည်။
မွေးကတည်းကပင် လုန်မန်က ကြောက်မက်ဖွယ်ရာကောင်းအောင် အဆင့်အတန်းမြင့်မားနေခဲ့ပြီး အနာဂတ်တွင် သူ၏အောင်မြင်မှုက နည်းပါးမည် မဟုတ်ပေ။
ရှောင်ယွိက ကျန်းလန်ကို ကြည့်လိုက်သည်။
ကျန်းလန်ကတော့ ပုံမှန်အတိုင်း အလွန်ပင်တည်ငြိမ်နေလေ၏။
သူကက…
"ဂိုဏ်းတူမောင်လေး အသက်ကြီးလာပြီ မဟုတ်လား"
"………………"
ကျန်းလန် ဘာပြောရမှန်း မသိခဲ့ပေ။ သူ တကယ်ပဲ အသက်ကြီးလာပြီလား။
လူသားအသက်ဖြင့်ဆိုလျှင်တော့ အမှန်တကယ်ပင် အသက်ကြီးပြီဟု ဆိုနိုင်သည်။ သို့သော် ကျင့်ကြံသူလောကတွင်တော့ သက်တမ်း (၂၆၀) ဆိုသည်က ငယ်ရွယ်သေးသည်ပင်။
ကျန်းလန်က…
"ဂိုဏ်းတူအစ်မက မင်းရဲ့ မောင်လေးကို လက်ဆောင်ပြန်ပေးချင်လို့လား"
ကျန်းလန်က ရှောင်ယွိမေးသည့် "သူအသက်ကြီးပြီလား" ဆိုသည့်မေးခွန်းကို အဖြေမပေးဘဲ စကားလမ်းကြောင်း ပြောင်းလိုက်သည်။
ထိုမေးခွန်းအတွက် ခိုင်လုံသည့်အဖြေ သူ့တွင် မရှိပေ။ ဘာပဲဖြစ်ဖြစ် သူက အလွန်ပဲ ငယ်ရွယ်သေး၏။
ရှောင်ယွိက လက်ထဲမှ ဆေးပုလင်းကို ဘေးသို့ချလိုက်ရင်း….
"အင်း… တကယ်တော့ မောင်လေးကို လက်ဆောင်ပြန်ပေးချင်မိတယ်"
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
