Uni
အခန်း (၃၉၂) ဖေးယွမ်ကိုသတ်ဖြတ်ခြင်း
သူက အထဲသို့ဝင်လာသည့် ကျန်းလန်ကို ကြည့်လိုက်သည်။
ဖေးယွင်က အလွန်အံ့အားသင့်သွားသော်လည်း အမူအရာထုတ်ဖော်ပြသခြင်း မရှိပေ။
"မင်းရဲ့တန်ခိုးစွမ်းအားက အားမနည်းဘူးပဲ ၊ ဒါပေမဲ့ ဒီနေရာမှာ တာ့လော်အင်မော်တယ်တစ်ယောက်ရှိတယ်ဆိုတာ မင်းမသိဘူးထင်တယ်နော်"
ဖေးယွမ်က နက်ရှိုင်းသည့်ရေတွင်းကြီးကိုကိုင်ထားသည့် လက်ကို အောက်သို့အသာပြန်ချလိုက်သည်။ သူက ကျန်းလန်ကို ကြည့်လိုက်ပြီးနောက် အစီအရင်ကိုလည်း ကြည့်လိုက်သည်။
"ဒီအစီအရင်ကို တန်ခိုးစွမ်းအားအသုံးပြုပြီး ဖျက်စီးဖို့ဆိုတာ မလွယ်လှဘူး ၊ မင်းရဲ့ အစီအရင်ပညာမှာ အောင်မြင်မှုက အတော်လေးထူးခြားရမယ် ၊ တကယ့်ကို အံ့သြစရာပါပဲ"
ကျန်းလန်က ဖေးယွမ်ကို ကြည့်ရုံသာကြည့်နေပြီး မည်သည့်စကားမှ ပြန်မပြောပေ။ အစီအရင်ကို လျင်မြန်စွာ ချိုးဖျက်နိုင်ခဲ့သည့် အကြောင်းရင်းမှာ ယခင်ကလည်း ထိုသို့သောအစီအရင်ကို တွေ့မြင်ဖူးပြီး ကြိုတင်ပြင်ဆင်မှုအချို့ ပြုလုပ်ထားခဲ့သောကြောင့် ဖြစ်သည်။
အမှားတစ်ချက်လုပ်မိလျှင် တွက်ချက်မှု မှားယွင်းသွားနိုင်သော်လည်း ကံကောင်းစွာပင် ပြဿနာကြီးကြီးမားမား မရှိခဲ့ပေ။
"ဘုန်း"
ထိုအချိန် အပြင်ဘက်တွင်လည်း တိုက်ပွဲများ ဆူညံစွာ ဖြစ်ပေါ်နေလေပြီ။
တန်ခိုးစွမ်းအားမြင့်မားသူများ ထွက်ပေါ်လာတော့မည် မဟုတ်ပေ။ အကယ်၍ ထွက်ပေါ်လာခဲ့လျှင်လည်း ကျန်းလန်က နောက်ပြန်ဆုတ်ရင် အသင့်ပြင်ထားသည်။
ဤနည်းအားဖြင့် သူ အန္တရယ်ကင်းစွာ လွတ်မြောက်နိုင်မည် ဖြစ်သည်။ ယခုတိုက်ပွဲက ကစားပွဲတစ်ခုပမာဖြစ်သည်။
"တာ့လော်အဆင့်အင်မော်တယ်တစ်ယောက် ဒီနေရာမှာ မရှိနိုင်ဘူး"
ကျန်းလန်က တိုးတိတ်စွာဖြင့်ပြောလိုက်ပြီး ဖေးယွမ်ကို ကြည့်လိုက်သည်။
VOCÊ ESTÁ LENDO
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasiaMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
