Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၃) (အပိုင်း - ၁၂)
အခန်း (၃၂၀) မဟာတာအိုကိုနားလည်စေရန်လောကကိုရှုမြင်
ရေခဲပုစဉ်းရင်ကွဲတောအုပ်...
ယန်ရှီးယွင်၏ ခန္ဓာကိုယ်က မြေကြီးထဲ တဖြည်းဖြည်းနစ်မြုပ်သွားပြီး လုံး၀ ပျောက်ကွယ်သွားလေသည်။
အချိန်အတန်ကြာမှ မြေကြီးအတွင်းမှ သူမ၏ ဦးခေါင်းလေး ပြန်ထွက်လာပြီး ပတ်ဝန်းကျင်ကို တစ်ချက်အကဲခတ်ကြည့်လိုက်သည်။
အန္တရယ်ကင်းသည်မှာသေချာတော့မှ သူမက မြေကြီးထဲမှ ခုန်ထွက်လိုက်၏။
"ကြောက်ဖို့ကောင်းလိုက်တာ ၊ ဘာလို့ ဒီလူတွေက လူတစ်ယောက်ကို လွယ်လွယ်နဲ့ တိုက်ခိုက်ချင်ကြရတာလဲ ၊ ကောင်းကင်ပေါ်မှာသာတိုက်ခိုက်ခံရလို့ကတော့ ငါ ပြုတ်ကျပြီး အသက်ထွက်လောက်ပြီ ၊ ခုတော့ တော်ပါသေးရဲ့"
ယန်ရှီးယွင် ကြောက်ရွံ့စွာဖြင့် ရေရွတ်လိုက်သည်။
"ငါက လမ်းလေးမေးချင်လို့ကို ဘာလို့ငါ့ကို တိုက်ခိုက်ရတာလဲ... ၊ အင်း... ဖြစ်နိုင်တာက..."
သူမ ခဏမျှ စဉ်းစားနေ၏။
ပြီးမှ...
"ဒီ ပတ်ဝန်းကျင်မှာ လမ်းမေးတာကို တားမြစ်ထားတာများလား ၊ မဖြစ်နိုင်ဘူး... တစ်ခါမှ ဒီလိုတားမြစ်ချက်မျိုးရှိတယ်လို့ မကြားမိပါဘူး ၊ လမ်းတော့ ဆက်မေးရမှာပဲ ၊ ဒါပေမဲ့ သတိတော့ထားရမယ် ၊ ပြီးတော့ တိုက်ခိုက်ခံရပြီဆိုရင် အန္တရယ်ကင်းအောင် သေချင်ယောင်ဆောင်နေမှဖြစ်မယ်"
"ဒါပေမဲ့ အဲဒီလူက အရမ်းထူးဆန်းတယ် ၊ သူ့ကိုကြည့်ရတာ ဘာခံစားချက်မှ မရှိသလိုပဲ ၊ ဘယ်မျိုးနွယ်စုကလဲ မသိဘူး"
ယန်ရှီးယွင် ခဏမျှစဉ်းစားနေပြီးနောက် အဆုံးသတ်ကောက်ချက်ချလိုက်သည်။
"ကြည့်ရတာ နတ်လူသားမျိုးနွယ်တစ်ယောက်ဖြစ်မယ်ထင်တယ် ၊ ဒီလူတွေ မပြန်ကြသေးဘူးလားမသိဘူး"
နတ်လူသားမျိုးနွယ်များ ခွန်လွန်တောင်မှ မပြန်ကြသေးဘူးဆိုလျှင် သူမတို့ ချီလင်မျိုးနွယ်များသည်လည်း မပြန်ကြလောက်သေးပေ။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
