Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၃) (အပိုင်း - ၃)
အခန်း (၃၁၁) နဂါးဖြစ်ရခြင်းသည်ပင်တန်ဖိုးမရှိတော့
ယန်ရှီးယွင် ကြောက်ရွံ့လျှက် ရှိသည်။
အဋ္ဌမမင်းသားမှာလည်း ဘာပြောရမှန်းမသိဘဲ ဆွံ့ အ လျှက် ရှိလေ၏။
လွန်ခဲ့သည့်အတိတ်တစ်ချိန်က သွေးနီရောင်နဂါးကို လက်သီးတစ်ချက်တည်းဖြင့် ထိုးခွင်းခဲ့သူတစ်ယောက်ကို သူ တွေ့မြင်ဖူးခဲ့သည်။
ယခု နှစ်ပေါင်း (၂၀၀)ပင် မကျော်လွန်သေးမီ ထိုလူသားသည် လူသားအင်မော်တယ်အဆင့်ကို ကျော်လွန်ပြီး ၊ အစစ်အမှန်အင်မော်အဆင့်ကို ကျော်ဖြတ်ကာ မိုးကောင်းကင်အင်မော်တယ်တစ်ယောက်ကိုပင် သတ်ဖြတ်နိုင်နေပြီ ဖြစ်သည်။
ပျက်သုဉ်းတစ်စပြင်လောကကြီးမှ လူသားမျိုးနွယ်များ ဘာတွေဖြစ်ပျက်နေကြလေပြီလဲ။
လုန်မန်က အင်မော်တယ်တစ်ယောက်အဖြစ် မွေးဖွားလာသူဖြစ်သည့်တိုင် ထိုသူ့ရှေ့တွင်တော့ ဘာမှမဟုတ်သလိုပင်။
ထိုသူကိုင်ဆောင်သည့်လှံရှည်မှ နဂါးပုံရိပ်ပင် ထွက်ပေါ်လာခဲ့လေရာ နဂါးမျိုးနွယ်ဖြစ်ရခြင်းမှာ တန်ဖိုးမရှိတော့ဟုပင် သူ ခံစားလိုက်ရသည်။
"ဒီလူက လက်သီးနတ်ဘုရားများ ဖြစ်နေမလား"
အဋ္ဌမမင်းသား စိတ်ထဲမှ တွေးလိုက်သည်။
ယခင်က ထိုအကြာင်းများကို သူ တွေးမကြည့်ခဲ့ဘူးသလို အတည်ပြုနိုင်ခြင်းလည်း မရှိခဲ့ပေ။ သို့သော် ယခုတော့ သေချာသလောက် ရှိလေသည်။
ထို့ပြင် ယခင်တုန်းက ယောက်ဖကလည်း သူ့ကို အရိပ်အမြွက်ပြောပြခဲ့ဖူးသေးသည်။
"အချို့နတ်ဘုရားနာမည်တွေကတော့ ထုတ်ပြောဖို့ အန္တရယ်များပေမယ့် အချို့ကတော့ မင်းကို ကူညီမယ့်သူတွေလည်း ဖြစ်နိုင်ပါတယ်ကွာ"
ဆိုသည့်စကားကို ကျန်းလန် သူ့ကိုပြောခဲ့ဖူးသည် မဟုတ်ပါလား။
သို့ရာတွင် ထိုသူက လက်သီးနတ်ဘုရားဆိုပါမူ အဘယ့်ကြောင့် အရင်အချိန်များတုန်းကလို လက်သီးအသုံးပြု မတိုက်ခိုက်ဘဲ လှံရှည်ဖြင့် တိုက်ခိုက်နေရပါသနည်း။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
