Uni
အခန်း (၃၂၂) ဧကရာဇ်ရှီးဟယ်ကခွန်လွန်တောင်ကမထွက်ခွာနိုင်ဘူးလား
ပဉ္စမတောင်ထွတ် ၊ ခန်းမဆောင်။
မြောင်ယွဲ့ပြောပြချက်ဖြင့် ကျန်းလန် သူလုပ်ဆောင်ရမည့် တာဝန်များကို အကြမ်းဖျင်းနားလည်ပြီး ဖြစ်သည်။
သူကလည်း ထိုတာဝန်ကို မငြင်းဆန်ခဲ့ပေ။
သူ၏ဂိုဏ်းတူအစ်မအတွက် အစီအရင်တစ်ခု လုပ်ပေးရမည်ကို သူ ဝမ်းသာမိသည်။
"ကျောက်စိမ်းရေကန်နတ်ဘုရားမက မိုးကောင်းကင်စမ်းသပ်ခံရဖို့ ဆယ်စုနှစ်နည်းနည်းလောက် လိုသေးတယ် ၊ ဒီဆယ်စုနှစ်အတွင်း မင်းက ပြုလုပ်ရမယ့်အစီအရင်တွေကို စဉ်းစားထားပေါ့ ၊ ဒါပေမဲ့ မင်း သတိထားရမယ့် တစ်ချက်ရှိတယ်"
မြောင်ယွဲ့၏အသံ ထွက်ပေါ်လာသည်။
"နဂါးမျိုးနွယ်တွေက လူသားတွေနဲ့မတူတဲ့အပြင် ကျောက်စိမ်းရေကန်ကလည်း ထူးခြားတဲ့ နေရာတစ်ခု ဖြစ်တယ် ၊ ဒါကြောင့် မင်းရဲ့အစီအရင်ပညာကျွမ်းကျင်မှုက ကျောက်စိမ်းရေကန်မှာ အစီအရင်တွေလုပ်တဲ့အခါ အသုံးဝင်မယ်မထင်ဘူး ၊ ဒါကြောင့် အချိန်တော့ သိပ်မဆွဲစေချင်ဘူး ၊ သိတယ်မလား"
ကျန်းလန် အာရုံစိုက်ကာ နားထောင်နေသည်။
သူက အစီအရင်ပညာတွင် အောင်မြင်မှုအချို့ ရရှိထားသူတစ်ယောက် ဖြစ်သည်။ သို့သော် ယုံကြည်မှုလွန်ကဲခြင်းက သူ့အတွက်ရော ၊ ရှောင်ယွိအတွက်ပါ အန္တရယ်ဖြစ်စေနိုင်သည်။
သူက အရာအားလုံး၏ အကျိုးအပြစ်များကို သတိထားပြီး ချိန်ဆနေသည်။
ကျောက်စိမ်းရေကန်ကိုရော လုန်ယွိ၏ ကျင့်ကြံခြင်းကိုပါ သေသေချာချာ စစ်ဆေးပြီးမှ ဆရာဒေါ်လေးကို ကူညီပေးပါရန် သွားခေါ်ရမည်ဖြစ်သည်။ သို့မှသာ သူလည်း စိတ်သက်သာရာရမည် ဖြစ်၏။
"ဆရာဒေါ်လေး ညွှန်ကြားတဲ့အတိုင်း လိုက်နာပါ့မယ်"
ကျန်းလန် အလေးအနက်ထားကာ ပြောလိုက်သည်။
မြောင်ယွဲ့က...
"ဒါနဲ့ ဒီကိစ္စက မင်းရဲ့ ကျင့်ကြံခြင်းကို အနှောက်အယှက် ဖြစ်နိုင်သလား"
BẠN ĐANG ĐỌC
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
Viễn tưởngMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
