Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၇) (အပိုင်း - ၉)
အခန်း (၂၃၃) တစ္ဆေစစ်သည်တော်များ
"ဆရာ့ကိုလာရှာတာ (၂)ခါတောင်ရှိပြီ ၊ ဒါပေမဲ့ မတွေ့ရဘူး… ဒီလိုကိစ္စမျိုးက ဖြစ်တောင့်ဖြစ်ခဲပဲ"
နဝမတောင်ထွတ်အစွန်းတွင် မော့ကျန်းသုန့် ရှိမနေသည့်အတွက် ကျန်းလန် အံ့အားသင့်နေမိသည်။
အခြားအချိန်များတွင် ဆရာ့ကိုမတွေ့ရလျှင် ပြဿနာမရှိသော်လည်း ယခုက သူ့တွင် ဆရာနှင့်တိုင်ပင်စရာ ပြဿနာတစ်ခု ရှိနေခဲ့သည်။
သူ အခြေအနေများကို စောင့်ကြည့်နေခဲ့သော်လည်း နဝမတောင်ထွတ်တင် မည်သည့်ပြဿနာမှ ဖြစ်မလာခဲ့ပေ။ ထို့ပြင် အစီအရင်များလည်း ပြုလုပ်ထားသောကြောင့် ငရဲတံခါးသည်လည်း စိတ်ချရသည့်အနေအထားတွင် ရှိသည်။
သို့သော် ကျောက်စိမ်းရေကန်မှ ပြဿနာကို ဆရာဖြစ်သူကို ပြောပြနိုင်မှသာ အခြားသောတောင်သခင်များလည်း ပြဿနာကို အဖြေရှာနိုင်မည် ဖြစ်သည်။
မဟုတ်ပါက ကျောက်စိမ်းရေကန်ပြဿနာကို ဖြေရှင်းရန် အချိန်နှောင်းသွားမည်ကို စိုးရိမ်ရသည်။
"အပြင်ထွက်ပြီး နည်းနည်းပါးပါး လေ့လာကြည့်ဦးမှ ထင်တယ်"
ကျန်းလန် တွေးလိုက်သည်။
"ငါလည်းဘာကိစ္စမှ စုံစမ်းလို့မရဘူး ၊ ပြီးတော့ ဆရာလည်း ပြန်မလာဘူးဆိုရင်တော့ အဋ္ဌမတောင်ထွတ်က ဆရာဦးလေးဆီသွားပြီး ဆရာဘယ်သွားလဲဆိုတာ စုံစမ်းရမှာပဲ"
ကျန်းလန်က ပဉ္စမတောင်ထွတ်မှ ဆရာဒေါ်လေးနှင့် ပိုမိုရင်းနှီးသော်လည်း သူမက သူ့အတွက် အန္တရယ်ရှိသည်ဟု ခံစားရသောကြောင့် အဋ္ဌမတောင်ထွတ်မှ ဆရာဦးလေးဆီသွားရောက်ရန် ဆုံးဖြတ်ရခြင်း ဖြစ်၏။
ထို့နောက် ကျန်းလန်က နဝမတောင်ထွတ်ပတ်ဝန်းကျင်တစ်ခုလုံးကို လှည့်ပတ်ကြည့်ရှုလိုက်ပြီးနောက် တောင်ပေါ်မှ ဆင်းလာခဲ့သည်။
***
ခွန်လွန်တောင်အထက်ကောင်းကင်ယံ…
အင်မော်တယ်အများစုပင် ရောက်ရှိနိုင်ရန်ခက်ခဲသည့် အာကာသဟင်းလင်းပြင်ထဲတွင် အနက်ရောင်မြူခိုးများက တိမ်တိုက်များပမာ တလိမ့်လိမ့်ဖြင့် ဆင်းသက်လာလေသည်။
KAMU SEDANG MEMBACA
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasiMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
