Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၂၂) (အပိုင်း - ၁၂)
အခန်း (၃၀၆) အလောင်းအစား
လုန်လီက မဟူရာမှော်ရုံနယ်မြေဆီသို့ ကြည့်ရှုနေသော်လည်း အထဲတွင် ဘာဖြစ်နေသည်ကို မခန့်မှန်းနိုင် ဖြစ်နေရသည်။
ယခုအခြေအနေရောက်လာမှတော့ ပဉ္စမထပ်မှ နဝမထပ်အထိ အထက်ပိုင်းအထပ်များတွင် သားရဲများနှင့် သတ္တဝါဆိုးများ၏ တိုက်ခိုက်မှုကို မခံရစရာ အကြောင်းမရှိပေ။
အထက်ပိုင်းအထပ် (၂)ထပ် ၊ (၃)ထပ်တွင် ထင်မှတ်မထားသည့် ထူးခြားမှုတစ်စုံတစ်ရာ ဖြစ်နိုင်သည့်တိုင် အထက်ပိုင်း (၅)ထပ်လုံးတွင်တော့ ထိုသို့ မဖြစ်နိုင်လောက်ပေ။
လုန်လီက သက်ပြင်းချလိုက်ရင်း…
"ပဉ္စမထပ်ကနေ နဝမထပ်အတွင်းက အပြင်ပြန်ရောက်လာတဲ့သူတွေကို မေးကြည့်သင့်တာ ၊ ခက်တာက ကျုပ်တို့ နဂါးမျိုးနွယ်တွေ တစ်ယောက်မှ ထွက်မလာသေးတာပဲ"
လျိုကျင်းက...
"ကျုပ်တို့ ခွန်လွန်တောင်ကလည်း ဘယ်သူမှ ထွက်မလာသေးဘူး"
မုတ်ဆိတ်မွေးများရှိသည့် သက်လတ်ပိုင်းလူရွယ်တစ်ယောက်က…
"ကျုပ်တို့ နတ်လူသားမျိုးနွယ်တွေလည်း သိပ်များများ ထွက်မလာကြသေးပါဘူး"
သူတို့ (၃) ယောက် စကားပြောခြင်းအား ရပ်တန့်လိုက်၏။
သူတို့က အပိုကြွားဝါနေခြင်းဖြစ်ပြီး တကယ်တမ်းသိချင်လျှင် ထိုအထပ်များမှ အပြင်သို့ထွက်လာသည့် အခြားမျိုးနွယ်များကို သွားရောက် မေးမြန်းနိုင်သည်ပဲ ဖြစ်သည်။
***
"ဒဒဒီကိစ္စက ပဉ္စမထပ်က ထူးဆန်းတဲ့ လှုပ်ရှားမှုတွေနဲ့ ဆက်စပ်နေနိုင်တယ်"
မြောင်ယွဲ့က မဟူရာမှော်ရုံနယ်မြေကိုကြည့်ရင်း သိမ်မွေ့စွာဆိုသည်။
ကျူးချင်ကလည်း ခေါင်းညိတ်လိုက်၏။
ပဉ္စမထပ်မှ နဝမထပ်အထိ အထပ်မြင့်ပိုင်းတွင် တစ်စုံတစ်ခု ဖြစ်နေဟန် ရှိသည်။
BẠN ĐANG ĐỌC
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
Viễn tưởngMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
