Uni
နဂါးမယ်လေးရဲ့ ငရဲတံခါးကချစ်သူ (စာစဉ် - ၁၆ - နောက်ဆုံးပိုင်း) (အပိုင်း - ၁၄)
အခန်း (၂၂၄) မီးထဲကိုတိုးဝင်သည့်ပိုးဖလံပမာ
ဆောင်းဦးသစ်ပင်များ၏ သစ်ရွက်များက သစ်ကိုင်းများထက် လှုပ်ရှားနေပြီးနောက် ရွက်ကြွေများ လွင့်စင်ကျသွားသည်။
ဖြည်းညှင်းစွာကျဆင်းလာသည့် သစ်ရွက်ကြွေများမှာ လေပြေတိုက်ခတ်သည့်အခါ ကျန်းလန်၏ခြေရင်းသို့ ရောက်ရှိလာကြ၏။
ထိုအချိန်…
ကျန်းလန်က လက်ထဲတွင် ဓားကို တင်းတင်းဆုပ်ကိုင်ထားရင်း အဋ္ဌမမင်းသားကို ကြည့်နေ၏။
သူက အစီအရင်ပညာအသုံးပြုပြီး သူ၏ နောက်ဆုံးတိုက်ကွက်ကို အဋ္ဌမမင်းသား မရှောင်တိမ်းနိုင်စေရန် ဖိအားပေးခဲ့ခြင်း ဖြစ်သည်။
အစီအရင်ကြောင့်သာမဟုတ်လျှင် သူ့ဓားချက်က လုန်မန်ကို ထိခိုက်နိုင်မည် မဟုတ်ပေ။
အဋ္ဌမမင်းသားက ရေခဲပုဇဉ်းရင်ကွဲတောအုပ်ထဲတွင် ကျန်းလန်ရင်ဆိုင်ခဲ့ရသည့် မိုးကောင်းကင်ဝံပုလွေ မဟုတ်ပေ။ သူတို့ (၂)ယောက်၏အဆင့်က ကမ္ဘာခြားလျှက် ရှိသည်။
ကံမကောင်းသည်မှာ အဋ္ဌမမင်းသားက သူ့ဓားချက်ထိသွားသည့်တိုင် တိုက်ပွဲအနိုင်အရှုံး အဖြေမထွက်သေးခြင်းပင်။ သူရင်ဆိုင်ရသူက လူသားတစ်ယောက်ဆိုလျှင် ယခုအချိန် သူအနိုင်ရနေမည် ဖြစ်သည်။
လူသားတစ်ယောက်ဆိုလျှင် ခုနစ်စဉ်ကြယ်ဓားသိုင်းကို အစီအရင်ပညာဖြင့် ပေါင်းစပ်အသုံးပြုခြင်းကို ရှောင်တိမ်းနိုင်မည် မဟုတ်ပေ။
အမှန်တော့ အဋ္ဌမမင်းသားသည်လည်း မရှောင်တိမ်းနိုင်ခဲ့ပေ။
သို့သော်လည်း…
နဂါးမျိုးနွယ်များက သူတို့ခန္ဓာကိုယ်ကို ကာကွယ်ရန် အကြေးခွံများ ရှိကြလေသည်။ ထို့ကြောင့် ကျန်းလန်အနေဖြင့် လုန်မန်ကို ထိခိုက်နာကျင်အောင်ပြုလုပ်နိုင်ရန် ခက်ခဲလှသည်။
လုန်မန်မှာလည်း သူ့လည်ပင်းကို လက်ဖြင့်စမ်းကြည့်လိုက်ရင်း အံ့အားသင့်သွားမိသည်။
YOU ARE READING
နဂါးမယ်လေးရဲ့ ငရဲတံခါးကချစ်သူ (Part 2) (Myanmar Translation)
FantasyMy Girlfriend From Turquoise Pond Requests My Help After My Millennium Seclusion Original Writer : Red Pepper Afraid Of Spicy Part - 558 + Extra 6 (End) Translated by Zin Pyay Fic Cover - Artist Pann Eain
