«﷽ وبه نستعين»
اللهم صلِّ وسلم وبارك على أشرف الخلق.
جنتل توكسيك مان
٢- محاولة إقناع
- نيرة شريف
متنسوش النجمة والتفاعل.. 💚
ربمًا اليوم حبيب وبالغد غريب، ربما تفترق طرقنا وتصير أنت العدو الرقيب.
_________________________________________
عادت تقف أمام مرآتها في غرفتها حتى رأت والدتها تقتحم غرفتها فقالت بصوت مرهوب:
في إيه يا ماما ؟؟
- سيبتي الخطوبة ورحتي على فين
وبعدين عاجبك اللي بتعمليه ده؟ قليتي أدبك مع "فرحات" ونزلتي مع واحد متعرفيهوش ورقصك ومياعتك دي!
ردت "عنود" ببساطة قائلة:
أوكي سوري، كده كويس؟ أه غلطت لما نزلت مع الشاب ده بس أصلًا موقفتش معاه وغلطت في "فرحات" غصب عني أما الرقص ف دي خطوبة أخويا وغصب عني برضو.
ردت عليها والدتها بامتعاض وهي تحرك يديها بقلة حيلة:
يا بنتي هو أنتِ عايزه تجلطيني بعدين مش هفرح بيكي بقى، دلوقتي أخوكي وخلاص قرب فرحتي تكمل بيه مستنية تفرحيني وتوافقي على"فرحات" بقى، اللي بتعمليه ده ميعملوش حد فيه مخ أبدًا.
توجهت "عنود" ناحيتها ورمقتها بتعجب قائلة وهي تُكتف يديها ناحية صدرها:
وهو لازم اتجوز علشان تفرحي بيا ؟؟ بعدين أنا و"فرحات" أه بنحب بعض بس مينفعش نتجوز حاليًا.
ردت عليها والدتها بفروغ صبر قائلة:
بس أنتِ بتحبيه يا بنتي!
ابتسمت "عنود" بقناعة قائلة:
الحب لوحده مش كفاية يا ماما.
- ربنا يهديكِ يا "عنود".
قالتها والدتها وهي تتوجه نحو الخارج فالتفت
"عنود" أمام المرآة قائلة باستنكار:
ربنا يهديكِ؟ هي شيفاني بشد في شعري!
كله منك يا "فرحات".
خرجت من غرفتها متوجهة نحو باب شِقَتها من ثم خرجت وأغلقت الباب ومشيت في خط مستقيم يصل بيتها ببيت" فرحات"، فهم جيران الباب أمام الباب والآن تجمع أهلهم في بيت" فرحات".
في شِقة "فرحات".
كان" فرحات" واقفًا يتحدث في هاتفه في الشرفة المقابلة للصالون، أذنيه مع المهاتف وعينيه معها متأملًا تلك الجالسة التي تلعب ألعاب قتالية ومنهكمة بتركيز شديد لتصرخ بدون حساب للجالسين بجانبها وهي تسب العدو قائلة بصوت عالٍ فزع الجميع:
هجيبك يا ابن الـ.
تحكمت في نفسها ثم رفعت عينيها للست أشخاص المحاوطين لها يطالعونها بقلق، ابتلعت لعابها وبصوت متحشرج قالت:
معلش في حد غدرني.
ابتسم الآخر من بُعد من ثم انتهى من المكالمة وعلى الفور اقترب وجلس بين والديه.
- مالك يا "فرحات" شكلك تعبان يعني.
تساءلت بها والدته فرد عليها بنبرة خافتة قائلًا:
مفيش أنا كويس.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
