جنتل توكسيك مان

5- مقابلة عمل

- جنتل توكسيك مـان
- نيرة شريف
٥- مقابلة عمل.

متنسوش النجمة والتفاعل. 💚

«﷽ وبه نستعين.»
اللهم صلِّ وسلم وبارك على أشرف الخلق.

اللقاء الأول، الصدفة، الأشياء غير المرتبة، جميعها تصل بنا إلى شيء واحد، إنه قدرنا المحتوم.

"إنْ كان في صُدَف الأزمان رائعةٌ
فأنت خيرُ ما جادتْ به الصُّدَفُ"
_________________________________________

تمر الأيام بين المجادلات والنزاعات حول الموضوع نفسه حتى استقر الجميع على قرار الخطبة بعد انتهاء "عنود" من السنة الأخيرة لها في الكلية.
وفي يوم ما وبداخل إحدى الشركات الكبيرة المصنعة للأدوية كانت "عنود" جالسة في طابق من طوابق هذه الشركة منتظرة أن يأتي دورها لمقابلة العمل التي قدمت عليها، أخذت تنظر في هاتفها بتدقيق تقيم مظهرها الرسمي المهندم الذي حتمًا سيؤدي بها إلى القبول حتى جاء دورها فدخلت بكل ثقة متوجهة إلى مقر العمل الرئيسي حيث يوجد فيه صاحب الشركة رجل كبير في العمر يُسمى "محمد" ومعه ابنه الأصغر عمار.

دخلت "عنود" ومشيت بهدوء حتى وصل صوت كعب حذائها لمحمد و"عمار" ثم ابتسمت لمحمد برسمية وقالت:
مساء الخير يا فندم.

" مساء النور اتفضلي."
رد بها "محمد" بابتسامة بسيطة تماثل خاصتها ثم جلست "عنود" وهي تحرك عينيها بين "محمد" و"عمار" الذي يجلس بهدوء شديد وانتباه على مقعده المجاور لمقعد أبيه.

نظرت لهم سويًا ثم قدمت نفسها بثقة قائلة:
أنا "عنود محمود" طالبة في كلية الصيدلة جامعة الإسكندرية وكنت قدمت على تدريب هنا في الشركة واتبعتلي على الإيميل بتاعي إني اتقبلت علشان أجي في الميعاد المحدد أعمل مقابلة مع حضراتكم.

رد "محمد" بجدية واعتذار قائلًا:
آه يا دكتورة، دكتور "عمار" شاف الـ cv بتاعك بس للأسف أنتِ معندكيش أي خبرة.

" أنا جاية اتدرب، المفروض يعني ده طبيعي! "
قالتها بابتسامة مستنكرة فرد عليها "محمد" قائلًا بتوضيح:
للأسف عندنا النظام أن لازم المتدرب يكون عنده خلفية عن الموضوع اللي جاي يتدرب عليه.

حاولت أن تهدأ لكن ظهر انفعالها في نبرتها وهي
تقول بتعجب:
طيب ولما هو للأسف وأنا بعت الـ cv الفاضي بتاعي اللي هو عديم الخبرة من رأيكم يبقى ليه أصلًا اتطلب علشان نعمل مقابلة وليه ممكن يكون في شروط زي دي! اللي أعرفه إن المتدرب حتى لو مفيش أي خبرة بيجي يتدرب ويكتسبها هو دوره أصلًا أنه يكتسب خبرة ومهارة مش جاي يوري حضرتك مهاراته إيه وطبعًا بعد التدريب بيكون القرار لحضراتكم أكمل ولا على حسب الاختبار اللي كنت فيه خلال الفترة اللي فاتت، فأكيد حضراتكم مجبتونيش هنا علشان تقولولي اللي اتقال صح؟ "