٦٤- لم يكن الفراق هينًا
- جنتل توكسيك مان
- نيرة شريف
أنا سهرانة وعيني بتقفل والله علشان أنزله، متنسوش تتفاعلوا كويس. 💚
« ﷽ وبه نستعين،
اللهم صلِّ وسلم وبارك على أشرق الخلق.»
بعض الاقتباسات من جمل "عمرو خالد".
_________________________________________
- أنا خايفة يعرف، أصلًا خايفة يعملك حاجة علشان أنت اللي واقف في وشه دلوقتي.
ابتسم قائلًا باستغراب:
هيعملي إيه يعني؟ بعدين لو مكنتش وقفت كان زمانك مش عارفة تتصرفي، خليه كده علشان يتعلم.
"طيب عايزاك تخلي بالك برضو وجدو بقى تفهمه الموضوع على جنب بس متقولوش غير إني أنا و
" فرحات" علاقتنا وحشة وإني عايزه أبعد شوية بس.
- ماشي هحاول بإذن الله، أنا رايح عندهم علشان جدك عايز يتجوز يا "آنسة".
شهقت بصدمة قائلة:
إيه " آنسة " دي؟؟
ضحك باندهاش وهو يقول:
يعني "آنسة" مش عادي وجدك عايز يتجوز عادي؟؟
نفت قائلة على الفور:
أكيد لا بس زوجوه بقى وخلاص.
وقف وقال بتأييد:
شكلها كده فعلًا بس حتى يدودني وقت أعرف، مينفعش كده هيضحكوا الناس علينا.
أومأت له وهي تضحك فانتبه لها وقال بتحذير:
"منار" أنا مش عايز نخيب، مش عايزك تيجي تعيطلي وتقوليلي مش قادرة.
حدقته بعتاب قائلة:
لا أنا مش كده على فكرة وجربني.
لم يرتاح لها فتنهد بقلق وقال:
أنا ماشي وأكلك وكل حاجة هعرف أظبطها بس الحاج لازم يعرف بقى.
اعترضت على الفور قائلة:
مينفعش بجد، جدو مش زيك ومش هيفهم "فرحات" وهياخد كل حاجة بالشد.
حرك يديه بقلة حيلة قائلًا:
يا بنتي ما هو طبيعي هيسأل وهيعرف إنك مشيتي.
نفت قائلة بابتسامة لئيمة:
أنا متأكدة "فرحات" هيمشي من هنا وجدو كده مش هيعرف وهيفتكر إننا أنا وهو مشينا سوا خالص.
" يا سلام؟؟ طيب ما ممكن يكلم جدك وساعتها كل حاجة هتقع على دماغنا لو عرف اللي فيها بعدين موبايلك مش هنا ودي مشكلة وهيعرف أكيد. "
شبَّكت يديها بتوتر قائلة:
مش عارفة سيبها زي ما هي، بعدين معتقدش
"فرحات" هيروح يكلمه علشان مش هيعرف يقوله حاجة ولا يحكي اللي حصل، أنا متأكدة "فرحات" هيخلي الموضوع secret ما بينا.
مطَّ شفتيه بتفكير ثم قال:
ممكن اعتقد، دلوقتي خلينا ألحق البشر اللي تحت دول بسرعة ولما الدنيا تهدى هجيلك.
أنت تقرأ
جنتل توكسيك مان
Roman d'amour" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
