جنتل توكسيك مان

57- ذهب ولم يُعد

٥٧- ذهب ولم يُعد
- جنتل توكسيك مان
- نيرة شريف

يارب تفاعل حلو يا مقطقين، متنسوش النجمة وكومنتس كتير علشان تعبت نفسيًا وجسديًا في الفصل ده. 🤎

الفصل الجاي هينزل بعد إسبوع بس لو التفاعل حلو هيكون أقل من إسبوع.
________________________________________

ترقرقت الدموع في مقلتيها، وقفت منتظرة منه أي نظرة من نظراته السابقة، تمنت أن يعاتبها هذه المرة لكن بحديثه أغلق كل الطرق لها فبكت رغمًا عنها وهي تقول له بنبرة خائبة أذعنت لضعفها الذي استولى عليها:
ليه شايفني أنا بس اللي غلط؟
أنا سألتك قبل كده وكان جوابك إني لا مغلطش في اللي عملته زمان، دلوقتي أنت بتنكر كل ده؟ أنت كنت بتقولي كده علشان مزعلش؟ ليه مصارحتنيش وعرفتني كنت ساعتها هبعد طالما محدش في الدنيا دي قابلني..

- وأنتِ كمان كنتِ عايزه هتبعدي؟
على فكرة أنا مغلطكيش على اللي فات أنا بغلطك من ساعة من أنتِ بقيتي معايا ودلوقتي مقدرش أرمي اللوم عليكي كله، أنا كمان عارف إن كل اللي أنتِ فيه مش بإيدك، بس حتى لو لازم نبعد شوية.

" عايزني أروح فين؟ "
تفوهت بها بنبرة متحشرجة وهي تضع خصلاتها خلف أذنها فتنهد هو بتشتت قائلًا:
مش كل بُعد معناه نسيب بعض، في ناس كتير متجوزين بيعيشوا سوا بعاد عن بعض بس بيجمعهم سقف بيت واحد.

مسحت دموعها قائلة بضعف:
بس أنا مقدرش أعيش معاك في نفس المكان وأبقى بعيدة عنك.

وقف للحظة ينظر لها ثم ابتسم ابتسامة خائبة بان فيها حزنه على حالهما وحينها قال:
المشكلة إن "عمار" كمان ميقدرش على البعد يا "عنود".

لاحظ انفعالاتها وتأثير حديثه عليها لذا أكمل
مأردفًا:
بس البعد في حالتنا المرة دي حل.

- مش حل يا "عمار"، طيب قولي هيفرق أو هيغير إيه؟؟ أنا مقدرش أعيش لوحدي، أنا معنديش حد بيهتم بيا، معنديش أصحاب، معنديش أهل بيفهموني، معنديش غيرك أنت، ليه تحرمني منك ليه! ليه تعاقبني وليه تعاقب نفسك لما أنت كمان مش قادر؟ ليه بجد عايز تخسرنا بعض وتعمل ألف سد وسد، أنت لو قررت تسيبني في فترة زي دي مش هنساهالك يا "عمار"، مش هنسى إني احتاجتك وأنت مردتش عليا.

أغمض عينيه ثم ابتسم بمرارة وألم قائلًا:
هي دي المشكلة، "عمار" لازم كلنا نحتاجله ولازم هو يساعد ويجي على نفسه ويحط مصلحتكم فوق مصلحته وتبقوا حياته، لكن أنا حياة مين؟ أنا مين بيسأل فيا؟ محدش بيسأل "عمار" عامل إيه، كله بيسأل فين "عمار" علشان عايزين مصلحتهم، حرام أنا محتاج حد يهتم بيا ويحس قد إيه أنا مضغوط، أنا مش آلة أنا إنسان عندي مشاعر، زيكم بحتاج للاهتمام وللحب، تعرفي بابا مسابش ليا فرصة واحدة أقوله مين صح ومين غلط، مستناش يسمع مني وحكم عليا، قولت فجأة ليه كده أومال لو مكنتش ابنه وعارفني وعارف أخلاقي كويس!
وده فعل يا "عنود" من وسط أفعال كتير كلها ضغطتني ومبقتش قادر أعيش، عايز أخلص من الدنيا دي، أمشي وأسيبها وأسيب كل حاجة ورايا.