جنتل توكسيك مان

دعنا نتخيل

مش فصل علشان الناس اللي بتفرح 😂

بس روحوا مكان الـ ٥ أسئلة المترقمة وردوا نتناقش.
ولما تيجوا تجاوبوا اضغطوا مكان السؤال وهو هيطلع علامة تعليق واكتبوا

بس في البداية جاية أقولكم حاجة واحدة بس
أنا مش ديموقراطية أنا زي محمد علي باخد رأي الكل وبعمل اللي برضو عايزاه بس عايزه أعرف ردة الفعل من دلوقتي.

١- لو فرحات ومنار اطلقوا هتزعلوا ولا تفرحوا؟
رد فعلكم هيكون أيه قولوا أول حاجة جات على بالكم.

ورأيي الشخصي واللي ملوش علاقة بـ هعمل إيه في الرواية، إن فرحات كان محتاج يتعالج قبل ما يتجوز وإن منار مكانش لازم تجازف وتفتكر إنها قد علاجه، وكده برضو معرفتوش هعمل أيه.

٢- مين تحسوه فايق أكتر من التاني وبيعرف ياخد حقه ؟ فرحات ولا عمار؟

وأنا شايفة الاتنين يفوقوا بعض وكل واحد بيعلي على التاني جامد بس بطريقته، بس بحس فرحات أشطر سيكا لإنه برغم إن معندوش حاجة يعرف يغيظ بيها عمار لكن بيعرف! وقارفه وقارفنا كلنا

أما عمار فهو معاه أكتر حاجة قادرة تقهر فرحات وبيعرف يستخدمها صح أوي ودي بتعجبني أنا شخصيًا
غير إن شخصياتهم نفسها حلوة، ممكن يكون عمار بيغلي من جواه بس مبيرضاش يبين كذلك فرحات أوي أوي بجد، تحس الابتسامة بتاعته بس قادرة تغيظك أنت يا قارئ.

٣- في حزب كده طلع بيحب فرحات فأنا مستغربة أوي
حبتوه إزاي وللعلم أنا بحبه بس علشان الكاتب مجبر يحب أبطال روايته فقولولي عملتوها إزاي؟ وهل في حد معجزة بيحب فرحات وعمار في نفس الوقت؟
وحد بيكره عمار؟

٤- تتمنوا النهاية تكون إزاي؟

٥- عايزين جزء لأولادهم؟ ده كده كده هيحصل وهيكون أحلى لإنه هيكون بأولاد عمار وعنود
وهيكونوا الأبطال القدام موجودين والبطلة هتكون
" يسر فرحات عبد الرحمن. " إن مكانش في تعديل للاسم وعلى فكرة " يسر" دي مرعبة أوي، يارب تكونوا فهمتوا أقصد إيه؟

أخر حاجة

في صراع فظيع حولين حد بيكره فرحات وحد بيكره عمار وحد بيكره عنود وحد بيكره منار والصراع ده ضايقني شوية بس أنا هعرفكم حاجة واحدة، كله بقى بكذا رأي فده بالنسبالي نجاح وهمشي بنفس الخطة لإني مش هعرف أرضيكم كلكم بجد بس أنا علطول بقول النهاية هتكون عادلة.

هروح بقى أكمل الفصل علشان بكره يا حلاويات وفصل بكره جامد عامة وانصبوا الصوان علشان فرحات. 😂