جنتل توكسيك مان
١٣- جريمة لم تنتهِ بعد.
- نيرة شريف
قراءة ممتعة ♡
متنسوس النجمة.
____________________________________
تمر الأيام حتى فعليًا تم تحديد موعد خطبة فرحات على منار وفي يوم من الأيام، كان فرحات جالسًا في مكتبه الموجود بجانب شقة منار ومعه منار يحلان نفس القضية.
" مش عارفة بس حاسة في لغز كبير، حاسة أن المتهم مش برئ المرة دي. "
أومأ بشك قائلًا:
نفس اللي حاسه ومن أول مرة اتكلمت معاه حاسس أن في حاجة مش طبيعية.
" طيب والحل؟ أنا شايفة نصارحه بالحقيقة بس أنا مش عارفة هنوصل لأيه بجد معاه دي مش جريمة عادية دي جريمة قتل وفي واحد مظلوم هيتسجن مكانه. "
" سيبيلي أنتِ القضية دي يا منار، أنا هعرف اتعامل كويس وياريت متظهريش فيها خالص ولا تتعاملي لإني مش ضامن. "
" مش ضامن إيه؟ "
قالتها بتوجس فرد بلا اهتمام:
مش مهم دلوقتي، قوليلي عملتي أيه في قضية
شقة المعمورة؟
" أممم الواضح إن فرحات بيه مش مركز خالص، أنت نسيت إن المحكمة أصدرت قرار بأن الشقة من حق الموكلة. "
ابتسم وهو يحرك كلتا كتفيه قائلًا وهو يضيق عينيه:
على فكرة أنا كده بقيت متهم بإني مش مركز مع المحامية منار الدالي ومحتاج محامية شاطرة تصد عني الدعوة الزور دي.
" والمحامية اللي هتدافع عنك طبعًا منار الجوهري مش الدالي يا فرحات، افتكر كويس. "
رمقها باستنكار كمثل كل مرة ثم قال:
جيه الدور تجاوبي على السؤال اللي بتتهربي منه يا منار، أيه سبب نفيك لوجود اسم الدالي جنب اسمك.
تهربت وتوترت بعض الشيء ثم قالت بعدم تصديق:
ده كده استجواب لا خد بالك أنا محامية وبعرف أرد كويس!
" منار! جاوبي. "
سأل بحنق فردت بضيق:
معلش يا فرحات لو سمحت سيب إجابة السؤال ده لبعدين ومتضغطنيش.
" أنتِ حرة. "
قالها بامتعاض فزفرت أنفاسها بضيق ثم قالت وهي تغمض عينيها حتى لا يبان إحمرارها المفاجئ :
عيلة الدالي متستاهلش إني أشيل اسمها علشان كده ببساطة بنسب اسمي لعيلة ماما.
" عملولك إيه؟ "
قالها باستفسار فردت بتذكر وهي تحاول جاهدة إخفاء حزنها وكأن لا شيء:
أنا مش مستعدة اتكلم بس مش علشان دلوقتي
أنا حاسة إني مش قادرة اتكلم عامة، الموضوع ده مبيتفتحش أساسًا يا فرحات علشان كده مبعرفش أشارك فيه حد.
" أنا ممكن أسمعك، يعني أنا هكون جوزك يا منار
معقولة مش هتقدري تشاركيني حزنك؟ "
أنت تقرأ
جنتل توكسيك مان
Romantik" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
