١٨- خطوة لبداية جديدة
- جنتل توكسيك مان
- نيرة شريف
متنسوش النجمة، فين التفاعل أنا بكتب لأمي ولا أيه؟ 😂
إيه رأيكم في الأشخاص الجديدة اللي دخلت الرواية؟ لسه كمالتهم في الفصل الجاي.
___________________________________
بعد أن تم الاتفاق على كل شيء تم تحديد موعد الخطبة على نهاية هذا الشهر أي بعد أسبوع واحد فقط من قراءة الفاتحة، عرّف أهلها كل الجيران والأقارب والأصدقاء وانتظر الجميع مجيئ يوم الخطبة حتى كان.
في الأعلى حيث هي تجلس في غرفتها وبجانبها شهد
وفي يديها هاتفها، نظرت لشهد وقالت:
متوترة أوي حاسة إني كبرت فجأة، أنا كنت من شوية لسه خارجة من الثانوية.
" الدنيا دي بتجري وملهاش أمان، المهم مش هتقومي تلبسي؟ "
" قايمة. "
قالتها عنود بفتور فسألتها شهد بجدية:
أنتِ غريبة النهارده ومتقوليش إنك مبسوطة علشان هيبان أوي إنك بتكدبي!
" أنا مش حكاية مش مبسوطة بس عارفة لما الماضي يطاردك فجأة ومتبقاش عارف تروح فين؟ أهو نفس الاحساس وماضي قديم أوي ووعود متحققتش افتكرتها النهارده. "
رمقتها شهد بشك ثم قالت وهي مضيقة عينيها:
هو في حد كان واعدك بالجواز ومكملش واتغرغر بيكي؟
" الله يمسيكي بالخير اسكتي يا شهد. "
قالتها عنود وهي تضحك فردت الأخرى وهي تضحك:
يبقى حد اتغرغر بيكي.
انتهت عنود من ارتداء ملابسها في الوقت نفسه الذي كان فيه أهل عمار قد وصلوا وليس فقط والده وبنات أخواته إنما جاء أخوه "عامر " وابنته رقية وابنه عمر وجاء أخوه "عابد" وابنه يامن وموسى وابنته ملك وجاءت أخته "خديجة " وابنتها هند وابنها آسر وأخيرًا "عائشة" وابنتها بسملة أما كريم جاء بمفرده لأن أمه ليست متواجدة بالإسكندرية، أتى أيضًا ناصر ولكن بحوذته عمار حيث جاءوا سويًا من بيت ناصر فكان عمار متواجد عنده من الصباح الباكر.
بالخارج كانت شهد واقفة منتظرة عنود أن تنتهي من ارتداء ملابسها، أتت حنان فرأت شهد واقفة بمفردها لذا اقتربت منها قائلة بود:
واقفة لوحدك ليه يا شهد؟
" مستنية عنود تلبس يا طنط. "
قالتها مبتسمة فردت حنان قائلة:
خلاص يا حبيبتي، لما تلبس ادخلي وخليكي معاها، عنود معندهاش صحاب للأسف وطول عمرها لوحدها حاولي تعوضي النقص ده بوجودك النهارده.
" متقلقيش يا طنط، هكون معاها. "
" تسلمي يا حبيبتي، ممكن تاخدي طبق الورد ده تحطيه على العمود اللي جنب الأنتاريه اللي هيقعد عليه العرسان؟ "
" أه طبعًا يا طنط. "
أخذته ثم توجهت نحو مقعد العروسين لتضعه في نفس الوقت الذي كان ناصر فيه متوجهًا للخارج فرأته حنان ثم قالت له بإنهاك:
معلش يا ابني ممكن تحط طبق الورد ده على العمود اللي عند الأنتاريه بتاع العرسان؟
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
