٢٧-الشيخ يريد زيجة
- جنتل توكسيك مان
- نيرة شريف
متنسوش النجمة
هل البارت لطيف؟ أراه لطيف والله من غير ما تقولوا. ♡
____________________________________
" مالك يا عمار جاي ومطلع خُلقك علينا ليه؟ "
قالتها خديجة فدخل عمار بعد أن خلع حذاءه بالخارج وقال:
مبتعمليش حاجة تعصب أنتِ مثلًا؟
ومالك مش مصدقة ليه أن بنتك يجيلها عريس هي معيوبة ولا حاجة يعني؟! يا خديجة ده أحنا زمان كان ما بنصدق حد يجيلك فاكرة! كنا بنقول أهي دكتورة بس محدش بيعبرها ومحدش كان بيتكلم بس طالما بدأتي تتعبي بنتك يبقى أنا اتكلم ولا أيه؟
" أتعبها في أيه وهي بتشتكيلك مني أصلًا؟ "
قالتها وهي ترمق هند بنظرات مشتعلة فرد هو بمكر وكيد بعد أن أشار لهند أن تجلس بجانبه:
بنتك متقدملها واحد أنا مضمنوش صحيح معاه فلوس بس الفلوس عمرها ما كانت كل حاجة، ياما ناس معاهم فلوس بس قللات أدب ومتربوش مش صح يا خديجة يا أختي!
عقصت خديجة حاجبيها بغضب فقال:
لا متتعصبيش كده دي هند حتى قالتلي أنك هتكوني مبسوطة أن حد قِبل بيها، أنتِ أم أنتِ؟
اللي توصل بنتها إنها تكره نفسها بالشكل ده تبقى مستحيل تكون أم، مسألتيش نفسك ليه بنتك لفت على كريم وحبت تاخده ليها؟ علشان عقدة النقص اللي عندها غير أنها مش قادرة تشوف حد مبسوط وكله بسببك يا خديجة الله يسامحك.
" كل ده علشان بشجعها تكون أحسن؟ بحاول أخليها تهتم بنفسها شوية علشان تعجب حد؟ "
كانت تتحدث بنبرة صائحة فصاح الأخر مثلما فعلت وقال:
هي مش مُطالب منها تعجب حد، افهمي ده وافهمي أن لو جوازتها جت بالشكل ده يبقى دي أكبر خيبة هتحصل لبنتك، يا سلام لو خدت واحد معجب بشكلها بس، أحلفلك أنه مش هيكمل معاها سنة وهتجيلك مرمية قدامك وده بيحصل وأنتِ عارفة.
رمقته وهي ترفع حاجبها بدهاء قائلة:
وأنت بقى يا عمار لما شوفت خطيبتك حبيتها علشان روحها، يأخي قول كلام معقول دي العين بتحب قبل أي حاجة.
" الشكل مطلوب يا خديجة وهنا مش بقولك أنها المفروض تقول للقمر قوم واقعد مكانك، بتكلم عن القبول يعني مش لازم تكون جميلة جدًا يكفي تكون مقبولة وعنود كانت كده بالنسبالي كانت مقبولة أنا مفتكرش في مرة قعدت مركز على شكلها أو جسمها
قد ما كنت بحب طريقتها وتصرفاتها وبنتك شخصيتها مش قليلة وشكلها مقبول جدًا حتى ملامحها مش شايفة قد أيه حلوة؟ أنا بحاول أفهم فين مشكلة هند؟ عايزاها تتخن؟ هي جسمها كده ومش مطالب تبقى بطاية، يا سيتي الراجل شافها النهارده ومتكلمش نص كلمة أنتِ غريبة أوي بجد، يعني ينفع إني أبقى قاعد بكلمك في موضوع زي ده؟ عيب يا خديجة اللي بتعمليه في بنتك ده. "
ردت هي بأعين لامعة ثم قالت:
يعني فيها عريس بحق؟
قالتها فرمقتها هند بسخط ورد عمار زافرًا أنفاسه بضيق:
آه يا حبيبتي فيها عريس.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
