٦٥- حادث سير مقصود
- نيرة شريف
- جنتل توكسيك مان
ادعوا لأخواتنا في فلسطين 💚🇵🇸
وقولولي رأيكم هنا وتعالوا على جروب الفيس نصيح
ومتنسوش النجمة والتفاعل.
_________________________________________
رد "عمار" قائلًا بشيء من التأثر على حالته:
هشوفها وهقولك هتقولي إيه.
صاح "فرحات" فيه بجنون واستحقاق قائلًا:
من غير ما تاخد رأيها، غصب عنها تجيلي، أنت مش هتتخيل أنا ممكن أعمل إيه علشان أجبرها.
ضحك "عمار" بسخرية قائلة:
يخيبك يا بعيد وأنا اللي افتكرتك توبت!
رد عليه "فرحات" قائلًا بتوعد:
خليك عارف إنك اللي بدأت وأخدتها مني يبقى استحمل ومتبقوش تعيطوا بقى وتسألوا أنا وحش ليه؟ ما أنتم متوصلونيش للجنون وتسيبوني مرمي كده والمفروض إني كمان أسكت؟ لا ده حقي يا ولاد الو***
رد "عمار" بازدراء قائلًا:
جاك كسر حقك، علشان سفالتك دي مش هرد عليك؛ لإني مؤدب ويبقى لينا كلام تاني لما تحترم نفسك.
قالها "عمار" وأغلق الهاتف ثم ألقاه على سريره وكانت هي نائمة فخرج ناحية الشرفة وفتحها ودخل، ثوانٍ وكانت هي خرجت خلفه، شعر بها وهي أتية من خلفه، فجلس على الأريكة وقالت هي بهدوء:
عايزه اتكلم معاك.
أشار لها بالجلوس فجلست واستمع لها بإنصات وهي تقول:
أنا عارفة إنك مضايق شوية من اللي قولته، أنا مش عارفة المفروض اعتذاري هيفرق معاك ولا بس لو عايز تطلع غضبك متحبسهوش بدل ما يطلع بعدين على شكل انفجار.
أغمض عينيه بإرهاق ثم أسند رأسه وقال وهو يتنهد بألم من كثرة التفكير:
أنا تمام يا "عنود" عادي، بعدين ذنبك إيه؟ حتى لو قولتي حاجة فأنتِ قولتيها من غير إرداتك بس المشكلة بقى يا "عنود" إن الموضوع يستمر لكن إن شاء الله نداوم وهتبقى كويسة.
- "عمار" متزعلش أنا عارفة إني عملت حاجات كتيرة وحشة وأفورت جامد ومش كل المحسودين يعني بيعملوا كده بس حاسة لازم نرجع نتابع مع دكتورة غادة تاني.
أشار لها برأسه بإيجاب فتساءلت بتوجس قائلة:
أنت كويس؟
- لا مش كويس ومش عارف حاسس بالذنب، حاسس إني شخص وحش وشرير.
" ليه؟ "
نظر لها بتردد ثم قال:
كنت قولتلك إن "منار" رجعت تقعد في شقة تانية بعيدة عن بيت العيلة، بس أنا كدبت عليكي وقتها، هي سابت "فرحات" من فترة ٣ أسابيع كده وهو فاكر إنها سافرت وفاكر إني ساعدتها ومخبيها عنه.
برَّقت بعينيها بصدمة شديدة ثم قالت:
طب هي فين؟؟
- في البيت عند بابا، قاعدة في شقتي بس محدش يعرف غير "بابا" وميعرفش الحوار كامل.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
