١٦- يهددها من جديد
- نيرة شريف
جنتل توكسيك مان
متنسوس النجمة.
ألم يكفيكِ تعذبيي؟
ألم ترى قلبي كيف هو مشتت خائف ضائع!
لمَ قلبك قاسٍ لهذا الحد، الرحمة على قلبي الصغير فلم يعد يتحمل الدنيا بمساوئها.
____________________________________
صباح اليوم التالي وفي شركة الجوهري للأدوية
كانت عمار جالسًا ومعه كريم يتحدثان بشأن بعض الأمور عن باقي فروع شركة الجوهري الذي يترأسها الكثير من المديرين ومنهم كريم.
" الشحنة الجديدة هتيجي عادي وبعدها هنبدأ ننقل في فرع القاهرة وفي الشركة هنا والشركة التانية. "
قالها كريم فنظر عمار في الأوراق الموجودة أمامه وقال:
عاش الشغل ماشي مظبوط ربنا يبارك.
" يارب، قولي في حاجة تانية؟
أنا لسه مروحتش أسيوط أشوف أخبار المصنع بس ناصر من شهر كان هناك والدنيا تمام وبيني وبينك مش وقته نروح دلوقتي يعني الشحنة واستلامها أهم.
" ما هو محدش هيروح دلوقتي، المهم مش هتشوف بسملة؟ "
انتشل كريم الملفات من عمار ثم هندم ملابسه وقال وهو ينظر في ساعته:
الصراحة مش جاهز.
" لا انجز عايزين نعرف نهايتها؟ "
" مش قولتلي على النهاية؟ "
قالها مبتسمًا بقلة حيلة فرد عمار بأسف:
بس برضو محتاج تسمع أنت، هي قالت أنها مبتثقش فيك.
" وأنت قولت أيه؟ "
قالها كريم بعد أن عاد وجلس فرد عمار بقلة حيلة وحزن على حالهما:
نهيت علطول الكلام وده اللي كان لازم يحصل وتعمله أنت.
" أنا مش عارف الصراحة أزود ثقتها إزاي بس يعـ.. "
قاطعه عمار قائلًا:
متعملش حاجة، في الحالة دي أنت لازم تقعد ساكت.
" لو زودت ثقتها مشاكلنا هتتحل. "
قالها كريم باقتناع، فهز عمار كتفيه وقال باعتراض:
عن تجربة لا وهتقعد تضيع من طاقتك، سيبها شوية وهي هتعرف إنها غلطت والثقة تستعيدها هي أو متستعيدهاش مش بتاعتنا.
رمقه كريم باستنكار ثم قال:
موقفك غريب من ناحية بسملة.
رد عمار نافيًا:
أبدًا، بسملة غالية عليا دي بنت أختي واللي يأذيها يأذيني وأنا واقف معاها زي ما واقف معاك وشايف أن ده الأحسن ليكم لكن صدقني لو كنت أقنعتها وقولتلكم تكملوا يبقى مش خايف عليكم.
هز كريم رأسه بتفهم ثم قال وهو يخلع خاتم خطبته:
عمومًا وصلها ده.
" مكنتش اتمنى اللحظة دي يا كريم. "
قالها عمار بابتسامة حزينة فرد كريم بنفس الابتسامة:
نصيب يا خال نصيب، يلا أنا رايح أشوف شغلي.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
