جنتل توكسيك مان

44- يعتبر نفسه ضحية

٤٤- يعتبر نفسه ضحية
- جنتل توكسيك مان
- نيرة شريف

الفصل كان المفروض ينزل امبارح بس والله شربت دوا ونمت الساعة ٦ وربع المغرب بالظبط وصحيت ٩ وشوية الصبح يعني ١٥ ساعة تقريبًا

متنسوش النجمة وتفاعل
أنا بدأت أضايق من موضوع النجمة.
_________________________________________

لحظات مرت كالساعات، ترى نظرات الجميع مُسلطة عليها و"فرحات "ينظر لها وهو يُثبت عليها التهمة، ارتعدت أوصالها وبدأت تتغير ملامحها كليًا حتى شعرت بيد زوجها تحتضن يدها، نظرت له باستغاثة فقال وهو يبتسم:
مالك ياض أنت وهو بتبحلقوا في مراتي ليه، حوشوا عيونكم بدل ما أخزقها، أصل " فرحات " حكالي عن حبيبته القديمة أنا و"منار" قالنا كان اسمها " عنود " برضو بس هي رفضته.

استطاع " عمار " أن ينتصر على مُنافسه بدون أي مجهود وساعده " فرحات " حين قال:
بالظبط كده بس هي كانت واطية والحمد لله ربنا نجاني منها.

ارتسمت على شفتي " عمار " ابتسامة صفراء وبداخله منزعج من سب زوجته أمامه علنيًا لذا قال بمزاح ودَّ أن يكون سخيفًا:

- علشان رفضتك بقت واطية يعني؟ أصلًا مفيش بنت اسمها " عنود " بتكون زي ما قولت، أي بنت بالاسم ده هي مميزة علشان اسمها زي اسم مراتي وكمان بالعكس ده هي اللي الحمد لله الذي عافاها يا " فوفو " هي ناقصة.

- طب إيه نغير السؤال؟
تساءلت بها " تقى " ببراءة هذه المرة فهي تشعر بتوتر الأجواء خاصة " منار " التي يبدو من وجهها إنها منزعجة.

- استني يا تقى، هي صحيح البنت اللي اسمها
" عنود" رفضتني ومطمرش فيها العيش والملح اللي كانوا ما بينا، وأنا زعلتلي يومين وشقلبت الموضوع وربنا رزقني حُب " منار".

رمقته زوجته باستهزاء ولم ترد على أي شيء، هذه الفترة هي غير قادرة، وهو كالعادة نقض وعده معها لم ينتظر حتى مرور أربعة وعشرون ساعة.

" طيب الحمد لله، نلف تاني بقى. "
تفوهت بها " تقى " وأدرات الزجاجة بقوة، انتظر الجميع وأعينهم أصبحت مُسلطة على الزجاجة بتركيز حتى وقفت الزجاجة أمام " عنود " وحان دورها لتسأل
" عمر " لكن تدخل " عمار " بابتسامة شمطاء ثم قال:
بعد إذنكم هسأل مكان مراتي بقى.

لوى " عمر " فهمه منتظرًا من عمه حديثه المتلاعب وقد كان حين قال " عمار " له.

- ما تحكيلنا عن الكراش والحب، مفيش حاجة كده ولا كده يا عانس.

" وأنا أقول مين تاففلي في حياتي أتاريك أنت يا حرباية، شوفت بقى معمولي block من كل حتة! "

ضحك الجميع فأضاف "عمر" قائلًا:
يا جماعة صحيح أنا نسيت أقولكم، إن شاء الله هتسمعوا خبر خطوبتي قريب على " هنايا " أقصد
" هنا " حبيبتي.