٦- من هي تلك المحامية؟
- جنتل توكسيك مان.
- نيرة شريف.
متنسوش النجمة؟ 💚
«﷽ وبه نستعين»
اللهم صلِّ وسلم وبارك على أشرف الخلق.
_________________________________________
دخل شقته الجديدة ودخلت هي ثم وصدت باباها خلفها بينما الأخر توجه إلى أقرب أريكة واستلقى دون حركة ثم هاتف "عنود" التي كانت في طريقها لإرسال رسائل نصية له.
" ألو؟ فينك نايمة ولا إيه؟ "
ردت عليه بذهول قائلة:
كنت لسه هرن عليك مش معقول ده تخاطر؟
- بيقولوا، المهم هتنامي أمتى؟
ردت بكسل قائلة وهي تتمدد براحة على فراشها:
شربت نسكافيه قال يعني هقوم اذاكر علشان عندي امتحان بكرا بس للأسف مش عايزه أقوم عايزه أنام
حساني تعبانة.
" سلامتك من التعب يا "عند". "
- الله يسلمك يا "فوفو".
زمجر بحدة قائلًا:
ما بلاش فوفو دي!!
ضحكت باستغراب قائلة:
هو كل مرة يا" فرحات" تقولي كده
ما تسيبني أدلعك براحتي، المهم مش هترّوح؟؟
رد نافيًا بعد أن وضع الهاتف بين كتفه وأذنه وقام ليخلع حذاءه ورأسه مائلة على كتفه:
لا.
وأردف قائلًا بعد أن عاد لوضعه الطبيعي:
حصل مشكلة في الشقة الجديدة واضطريت أروح وهبات فيها النهارده.
" مشكلة إيه؟؟ "
- متشغليش بالك روحي نامي الجو اتأخر.
" لا احكيلي حصل أيه الأول. "
تنهد بضيق ثم قال:
في شقة ساكنة فيها بنت جنبي وهي عايشة لوحدها
والمفروض حد من العمال خرم عندها الحيطة بطريقة غريبة كأنه عايز يدخلها فالعمال رنوا وأنا روحتلهم واتخانقنا شوية ورسيت إني أخدت منهم كل المفاتيح ولسه هتصرف بكره في الحيطة اللي عندها وبس.
" وإيه برضو اللي مقعدك؟ "
ردت بها باستنكار فقال موضحًا:
هي مكانتش مطمنة فطلبت مني إني أقعد في الشقة بحيث محدش يعرف يدخل وخافت يكون حد معاه نسخة من المفاتيح ويدخل عندها.
" آه فطلبت منك يعني، طيب هي فين يعني؟ "
- في شقتها أكيد هي قافلة على نفسها وأنا نفس الشيء فأحنا بُعاد متقلقيش.
ابتسمت قائلة بصدق:
مش قلقانة، ربنا يعينها ويسهلك أمورك بكرا.
ابتسم متسائلًا بتعجب:
بس كده يعني مفيش خناقة؟
ردت معترضة وبتفهم قالت:
أنا مبتخانقش عمال على بطال غيرك أنت
تموت وتعمل معايا مشاكل عايزني بهيمة
أقول حاضر ونعم وماشي لكن أنا غيرك.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
