جنتل توكسيك مان

اقتباس «نقطة رابحة لعدوه»

متنسوش النجمة 🤎

اقتباس «نقطة رابحة لعدوه»
- جنتل توكسيك مان
- نيرة شريف

_______________________________________

تقف هي بجانبه في المعرض، يمسك هو بكف يدها وينظر لإحدى اللوحات ثم قال وهو ينظر لها بتأمل:
تعرفي اتخانقت أنا و"مايسة" كام خناقة علشان نسمي الـ gallery ده " manara "؟

ارتسمت ابتسامة واسعة على شفتيها وقالت:
اتوقعله النجاح بعد تسميته باسمي.

كشَّر مازحًا وهو يقول:
ماشي يا "دباح" عليِّ عليا براحتك.

أمسكت بيده وضغطت على يديه بقوة بعد أن سمعت كلمة المغازلة الخاصة به وقالت:
وعلى فكرة اللوح جميلة أوي، وريني الباقي.

أشار لها وقال:
خلينا هنا في لوحي دي أفضل، اللوح التانية لمايسة.

ضيقت ملامحها بملامح محتقنة ثم رفعت حاجبيها بهدوء وقالت بتقزز:
أنا مبحبهاش تاني.

- ولا أنا.
قالها مازحًا فكشَّرت باستغراب وقالت:
مش على أساس صاحبتك وشريكتك في الشغل، أصلًا مفيش الكلام ده ومتأكدة إنك بتقوله علشان تضايقني وهي مش هتتطول منك حاجة.

" صح بضايقك بيه، هي مش صاحبتي وأنا مش بصاحب فريحي دماغك. "

تركت كف يده بغيرة واضحة فاستند هو على الحائط وقال:
طب والله ما بيني وبينها غير الشغل ومش بديها سكة لأي حاجة تانية.

لم ترد عليه لكنها ظلت على حالها تتجنب النظر له فمال عليها وهو يقول بمشاكسة:
طب والله المرة دي مظلوم، خلاص بقى ما تتقمصيش!

- يا "فرحات" نظراتها كلها ليا أرخم من الرخامة بتتعمد تبصلي من فوق لتحت وأنا بجد مجتش عندها.

ابتسم بشدة فظهرت غمازته اليمنى وقال:
ما العين ما بتحبش الأحسن منها، وأنا ما شاء الله على جبيبي بدر منور.

ابتسمت ونجحت محاولة إرضائه لها وقطعت هذه اللحظات السعيدة "مايسة" التي جاءت ثم سحبته وهي تقول:
"فرحات" تعالى أعرفك بسرعة.

- ثواني ثواني..
تفوه هو بها ثم ترك يدها وقال:
"منار" واقفة معايا، سحباني منها على فين؟

- أه sorry يا "منار" مشوفتكيش.
قالتها "مايسة" باعتذار ماكر، فأشار لها "فرحات" وقال:
دقيقة وجاي يا "مايسة"، روحي أنتِ.

وقفت "منار" في مكانها بإصرار شديد عازمة على عدم التحرك معه لأي مكان، ووقف هو بجانبها ثم قال:
هتفضلي واقفة مكانك؟ عايزه تفضلي براحتك بس أنتِ عارفاها، ممكن شوية ألاقيها متشعبطة في رقبتي مثلًا!