٤٥- حساب تم تصفيته
- جنتل توكسيك مان
- نيرة شريف
بصوا ابحثوا عني في الفيس بوك عن نيرة الشريف وهتلاقوني هناك واللي عايز يبعت آد أو يعمل فولو يبعت.
قرأت كل ردودكم على اللي فات، بس مبقتش فهمامكم،
بس اللي فهمته إن عمار ليه ناس بتحبه أكتر والصراحة هو يتحب وبس كده.
متنسوش النجمة ياريت
_________________________________________
يمر اليوم الأول من الصيام بإرهاق شديد، الجو أصبح حارًا على عكس المتوقع، تجمعت الأسرة في الصالة بداخل الدور الأول، كان الكل موجودًا إلا البعض والسيدات في المطبخ كلهن، منهن من يجهزن الأطباق ومتعلقاتها ومنهن من تراقب الوقت ومنهن من تعطي اللمسات الأخيرة على الطعام حتى خرجن الجميع وتبقت " نجوان " و" شيماء" في الطبخ.
" هموت من العطش أنا زهقت. "
تفوه بها "آسر" بشيء من الضيق فنبهه " كريم" قائلًا:
مينفعش يا " آسر " تقول كده أجر صيامك هيروح.
" أنا قولت إيه؟ بقول عطشان طب أنت مش عطشان يأخي بالله عليك؟ "
- يا حبيبي حتى لو متقولش أنا زهقت، الجملة بتاعتك فيها شيء من عدم الرضا بفرض الصيام واسمها تذمر يعني مش هيخليك تبطل صيامك بس أجرك هيقل.
" ربنا يفتح عليك يا شيخ «كريم». "
قالتها " بسملة " التي جاءت من المطبخ وخلفها الفتيات فابتسم " عمار " وقال:
تعالي يا " بسملة " عايزك.
وقف " آسر " لتجلس هي مكانه ثم قال " عمار " باهتمام:
يعني خللتي هنا؟ مش هتتجوزوا ولا إيه؟
رد "كريم" عنها قائلًا:
ماما لسه نازلة، ومأخدتش نفسها ولسه هنقولها أهو.
هز " عمار " رأسه ثم ابتسم ونظر لعمر الذي يقف بعيدًا وقال له:
الأفراح كتير ياللي في بالي، عقبالك.
رمقه " عمر " وهو يضيِّق عينيه فحدقه "عمار" بنفس النظرة وقال:
واقف هناك بتكلم مين ياض؟
اوعى يكون إلـ !
- إلـ مبلكاني ومش عارف أكلمها البت بتستهبل وربنا لما أشوفها بكره روح أمها دي.
" لا ده الحوار كبير، احكيلي يا حبيب عمك. "
اقترب منه " عمر " وجلس على كرسي بعيد عن الجالسين ثم قال:
قماصة هي، بقولها حاطط جملة عنها في البايو عندي واتقمصت مني، دي أول حد أحطها في البايو عندي!
- كنت كاتبلها إيه يعني؟
تفوه بها " عمار " باستفسار فوضع " عمر " ساق فوق الأخرى وقال:
-" سحرتُ بالغنمِ كَي أنساكي
وكلما نظَرت لنعجةِ أراكي. "
ها شوفت؟ البت بقت بجحة وبتتبطر على نعمة ربنا.
أنت تقرأ
جنتل توكسيك مان
Romance" فرحات عبد الرحمن" شاب يعمل وكيل نيابة ويعاني من مرض اضطراب الشخصية المعادية للمجتمع مع ارتباط وثيق باضطراب النرجسية مما يجعله ينقاد نحو كل شيء معاكس للقوانين الحياتية بالإضافة إلى العمليات الإجرامية والقتل دون الشعور بالذنب، تزداد أعراض مرضه حينما...
