جنتل توكسيك مان

11- لا أريدك

جنتل توكسيك مان
- نيرة شريف
١١- لا أريدك

متنسوش النجمة ♡
____________________________________

" النهارده فرحي يا جدعان وعايز كله يبقى تمام. "
أخذ يدندها وهو يهذب لحيته بشكل منمق ثم خرج من المرحاض وفتح هاتفه فوجد رسائل نصية من حبيبته
زفر بضيق ثم هاتفها وانتظرها حتى ترد.

" ألو فرحات أنت شوفت المدسجات؟
ما تيجي نلغي الخطوبة أنا صغيرة على الكلام ده بجد بليز بليز بلاش."

نظر في هاتفه ثم قال مقهقهًا بشر :
الحمد لله مفيش مجال للهروب والمعازيم جايين، قومي بقى يا كوكو وبطلي دلع

" أنا لبست أصلًا يا فرحات والفستان ده مخنق
أوعى تفتكر إني في الفرح هلبس فستان يخنقني زي اللي مختاره ده! "

" ومالو يا حبي نبقى نختار على ذوقك يا عسل أنت، المهم ارقيني من كل عين تؤذيني علشان أنا النهارده جاي ولابس حتة من على الحبل. "

" طيب يا فرحات بس أنا مش مسمحاك، حسبي الله ونعم الوكيل فيك. "

صاح بغضب واستنكار قائلًا:
أنا عملت أيه يا عنود!
عنود يا عنو.. بتقفلي السكة في وشي! ماشي..

____________________________

في غرفتها حيث هي جالسة
جاءها اتصال هاتفي من عمار!
دق قلبها خوفًا من هذا الاتصال في هذا الوقت وهذا اليوم، قررت ألا ترد ولكن ماذا إن لم ترد؟ هل ستحدث مشكلة، سترد الأفضل.

ردت بتوجس وقلق قائلة:
أيوه..

" يعني خطيبك بحق وحقيقي والنهارده خطوبتك! "

أخفضت من صوتها وقالت بنبرة محتدة:
وحضرتك عايز مني أيه؟
شغلك وسيبته وأنت شوفت إني معلقتكش بيا علشان ألاقيك كل شوية قدامي.

" أنا طلبتك وأنتِ مأبدتيش اعتراض كامل وكلامك كان كله مراوغة وفجأة ألاقيكي هتتخطبي!
طب ما تقوليلي من الأول مشاعرك أيه وأنا ساعتها كنت هتقبل عادي. "

" وأظن أنه ميفرقش كتير، دلوقتي عرفت. "
صاحت بها بكثير من السخط فرد قائلًا:
خروجك معايا يعرف بيه خطيبك؟

" كانت خروجة وقت ما كنت مضايقة مش أكتر ومحصلش ما بينا حاجة أنت اللي مقتنع بإن في
حاجة. "

" أنا اللي طلبتك الأول مش هو. "
زفر بها بغيظ فردت بكل هدوء:
وخطيبي طالبني من قبل ما تظهر في حياتي وأظن كده أنك عايز تخرب فرحتي.

" وليه نخرب فرحتك، كملي في اللي عايزاه براحتك
ما هي الدنيا مش هتقف على واحدة ست، مبارك عليكي الخطوبة. "